Mi eng' bukuit

1 Korintoek 2 FHB Father's Heart Bible™

Kiistoi 15% eng' kiy ne iale korook →
Bukuit

Kityo Jeso Kristo ne ki kigartaat

Ki nyo Paulo ak kapareet, ma kobooto ng'aleek che karaaran, ago kobatee Kristo ne kigartaat, si koname kayaneet eng' kimnateetap Kwandanyo ak ma eng' utaatyetap ng'alaalyot. Utaatyet ne neetei ko kiuny, ki chobe kotomo konaam peetuusyek, ak ma kingen agot ngot king'aang'ji Kabuusetap Kwandanyo.

Sura 2.

Ye kanyonjok okweek, che kitupche, ki ma amwaite paornateetap Kwandanyo eng' ng'aleek che karaaran anan eng' utaatyet. Amu ki atil eng' muguleldanyu ale manai kiy age tugul among okweek, kobatee Jeso Kristo, ak ineendet ne ki kigartaat. Ak ki anyoonjok eng' nyalulet, ak eng' kaiyweisyet, ak eng' potandos ne chaang'. Ng'aleekyuk ak koamdooti ma ki ipunot eng' ng'aleek che igaigai che po utaatyet, ago eng' kaboorunetap Kabuuset ne Tiliil ak kimnateet, si ma ipunot kayaneng'wong' eng' utaatyetap chii, ago eng' kimnateetap Kwandanyo.

Ng'alaali echeek utaatyet among matubaruuk—ma utaatyetap peetuusyechu, anan ne po kiptainigap peetuusyechu, che beeti. Ago ng'alaali echeek utaatyetap Kwandanyo ne kiuny, ng'olyoot ne ki chop Kwandanyo eng' tai kotomo ko taunet peetuusyek, agobo toroornatennyo. Ma kingen ineendet age eng' kiptainigap peetuusyechu; nda kingen, ko ma kingo kigartaat Kiptaiyatap toroornatet. Ko uu ye ki kisir keele, “Kiit ne ma kigeer konda, ak ne ma kigas itit, ak ne ma kochut muguleldap chii—tuguuchooto ko ki chop Kwandanyo agobo icheek che achame ineendet.”

Ago ki king'aang'jech Kwandanyo tuguuchooto eng' Kabuuset; amu syaachei Kabuuset tuguuk tugul, agot rirosyegap Kwandanyo. Ng'oo ne ingen kabwaatutigap chii, kobatee kabuusennyi ne mi oriitinnyi? Ko uu nooto agine, ma mi chii ne ingen kabwaatutigap Kwandanyo, kobatee Kabuusetap Kwandanyo. Ki ma kitaach echeek kabuusetap ng'wony, ago Kabuuset ne punu Kwandanyo, si kingen kiit ne ki koonech Kwandanyo eng' aiyebindo. Ng'alaali echeek chuuto, ma eng' ng'aleek che neeti utaatyetap chii, ago eng' che neeti Kabuuset, keboorchini tuguuk che po saboon piik che po saboon. Chiito ne ma tinyei Kabuuset ma taachei tuguuk che punu Kabuusetap Kwandanyo; amu perber eng' ineendet, ak ma muuchi koguiyo, amu kimache kaguiyet ne po saboon. Chiito ne po saboon ko guiyei tuguuk tugul, ago ineendet ma kirwookyin chii age tugul. Amu, “Ng'oo ne kingen kererwegap Kwandanyo, si koneet ineendet?” Ago kitinye echeek kererwegap Kristo.