چارمیخا چکئلمئش مسئحدن باشقا هچ نه
پولوس قصدن دبدبه‌لی سؤزلرله یوخ، آنجاق چارمیخا چکئلمئش مسئحله گلدی کی، اونلارین ائمانی بئر ناطئقئن مهارتئنه یوخ، آتامیزین قودرتئنه دایانسین. اؤیرَتدئیی حئکمت گئزلی‌دئر، زامان باشلامامیشدان قاباق حاضیرلانیب و آنجاق آتامیزین روحو اونو آشکار اتدئکجه بئلئنئر.
2 1قارداشلار، من سئزئن یانینیزا گلنده، دبدبه‌لی سؤزلر یا حئکمتله آتامیزین شهادتئنی اعلان اتمه‌دئم. 2چونکی قرار وردئم کی، سئزئن آرانیزدا عئسا مسئحدن، او دا چارمیخا چکئلمئش اولاندان، باشقا هچ نه بئلمه‌رم. 3و من سئزئن یانینیزا ضعئفلئکده، قورخودا و چوخ تئتره‌یه‌رک گلدئم. 4منئم خبرئم و وعظئم حئکمتئن قانعادئجی سؤزلرئنه یوخ، موقدّس روحون و قووّتئن ثوبوتونا اساسلانیردی، 5اِله کی، سئزئن ائمانینیز ائنسان حئکمتئنه یوخ، آتامیزین قودرتئنه دایانسین.
6بئز کامئل اولانلارین آراسیندا حئکمت دیئرئک؛ آمّا بو دؤورون حئکمتئنی یوخ، آرادان گدن بو دؤورون حؤکمدارلارین حئکمتئنی ده یوخ. 7خیر، بئز آتامیزین حئکمتئنی، یعنی گئزلی بئر سئرّی دیئرئک کی، آتامیز بئزئم عئزّتئمئز اوچون زامانین باشلانیشیندان قاباق تعیئن اتمئشدی. 8بو دؤورون حؤکمدارلاریندان هچ بئری اونو بئلمه‌دی؛ اگر بئلسَیدئلر، عئزّت ربّئنی چارمیخا چکمَزدئلر. 9نجه کی یازیلیب: «هچ بئر گؤزون گؤرمه‌دئیی، هچ بئر قولاغین اشئتمه‌دئیی و هچ بئر ائنسان اوره‌یئنه گلمه‌ین شیلری، آتامیز اونو سِوَنلر اوچون حاضیرلاییب.»
10آمّا آتامیز اونلاری روحون واسئطه‌سی‌ائله بئزه آشکار اتدی؛ چونکی روح هر شیی، حتّا آتامیزین درئنلئکلرئنی ده تفتئش ادر. 11بئر ائنسانین فئکئرلرئنی، اؤز ائچئنده‌کی روحوندان باشقا کئم بئلر؟ همئن طور، آتامیزین فئکئرلرئنی ده آتامیزین روحوندان باشقا هچ کس بئلمز. 12بئز دونیانین روحونو یوخ، آتامیزدان اولان روحو آلدیق، اِله کی، آتامیزین بئزه احسان اتدئیی شیلری بئله‌ک. 13بئز بونو، ائنسان حئکمتئنئن اؤیرتدئیی سؤزلرله یوخ، روحون اؤیرتدئیی سؤزلرله دیئرئک و روحانی حقئقتی روحانی آداملارا ایضاح ادئریک. 14روحو اولمایان آدام آتامیزین روحوندان گلنلری قبول اتمز؛ بونلار اونون اوچون آخماقلیقدیر و او بونو درک اده بئلمز، چونکی بونو آنجاق روحانی بصیرتله آییرد اتمک اولار. 15روحانی اولان آدام هر شیی آییرد ادر، آمّا اؤزو هچ کس طرفئندن موحاکئمه اولونماز. 16چونکی «کئم آتامیزین فئکرئنی بئلئب کی، اونا تعلئم ورسئن؟» آمّا بئزده مسئحئن فئکری وار.
