هيڅ شے نه مګر مسيح په سولۍ شوے
پولوس په قصد سره له کوم اغېزناک خطابت پرته راغی، يوازې د صليب شوي مسيح سره، ترڅو د هغوی ايمان د زموږ پلار په قدرت ولاړ وي، نه د ويناوال په مهارت. هغه حکمت چې هغه يې ښوونه کوي پټ دی، د وخت له پيله مخکې تيار شوی، او يوازې هغه وخت پېژندل کېږي چې د زموږ پلار روح يې څرګند کړي.
2 1اے وروڼو او خويندو، کله چې زۀ تاسو له راغلم، نو ما د زمونږ پلار ګواهى په ښائسته خبرو يا حکمت سره تاسو ته بيان نۀ کړه. 2ځکه چې ما دا اراده وکړه چې زۀ به ستاسو په مينځ کښې د عيسىٰ مسيح نه سوا، چې هغه په سولۍ شوے وو، بل هيڅ نۀ پېژنم. 3او زۀ تاسو له په کمزورۍ، په وېره او په ډېر لړزيدو سره راغلم. 4زما پيغام او زما وعظ د حکمت په قائل کوونکو خبرو باندې نۀ، بلکې د روحُ القُدس او د قُدرت په ثبوت باندې قائم وو، 5دې دپاره چې ستاسو ايمان د اِنسان په حکمت باندې نۀ، بلکې د زمونږ پلار په قُدرت باندې قائم وى.
6خو مونږ د پاخۀ کسانو په مينځ کښې حکمت وايُو، نۀ د دې زمانې حکمت، او نۀ د دې زمانې د حاکمانو چې له مينځه ځى. 7نه، مونږ د زمونږ پلار حکمت وايُو، يو پټ راز چې زمونږ پلار د زمانې د شروع نه مخکښې زمونږ د لوئۍ دپاره مقرر کړے وو. 8د دې زمانې هيڅ يو حاکم دا ونۀ پېژندلو، ځکه کۀ چرې يې پېژندلے وَى نو هغوئ به د لوئۍ مالِک په سولۍ نۀ وو کړے. 9لکه څنګه چې ليکلے شوے دے، ”هغه څۀ چې نۀ کوم سترګو ليدلى دى، نۀ کوم غوږونو اورېدلى دى او نۀ د کوم اِنسان په زړۀ کښې راغلى دى، دغه شيان زمونږ پلار د هغو کسانو دپاره تيار کړى دى چې د هغۀ سره مينه کوى.“
10خو زمونږ پلار دا شيان مونږ ته د روح په وسيله څرګند کړل، ځکه چې روح ټول شيان، حتىٰ د زمونږ پلار ژور شيان هم ګورى. 11د اِنسان خيالونه د هغۀ د خپل روح نه سوا، چې د هغۀ په دننه کښې دے، بل څوک پېژنى؟ هم دغه شان د زمونږ پلار خيالونه د زمونږ پلار د روح نه سوا بل څوک نۀ پېژنى. 12مونږ د دې دُنيا روح نۀ دے موندلے، بلکې هغه روح چې د زمونږ پلار له دے، دې دپاره چې مونږ هغه شيان پوهه شُو چې زمونږ پلار مونږ ته په مفت کښې راکړل. 13مونږ دا شيان په هغو خبرو کښې نۀ وايُو چې د اِنسان حکمت يې ښايى، بلکې چې روح يې ښايى، او روحانى حقيقتونه روحانى خلقو ته بيانوو. 14هغه سړے چې روح نۀ لرى، هغه څۀ نۀ قبلوى چې د زمونږ پلار د روح نه راځى، هغه هغۀ ته بېوقوفى ښکارى او هغه پرې نۀ شى پوهېدلے، ځکه چې دا روحانى پرکه غواړى. 15هغه سړے چې روحانى دے، هغه د ټولو شيانو پرکه کوى، خو پخپله د هيچا د فېصلې لاندې نۀ دے. 16ځکه چې ”د زمونږ پلار ذهن چا پېژندلے دے چې هغۀ ته لارښوونه وکړى؟“ خو زمونږ سره د مسيح ذهن دے.
