Philistine khan logot lorai shuru hoise
Jonathan pora ekta sena laga thana te akroman korise, Philistine khan ginti koribo napara rath khan loi kene joma hoise, aru Israel gupha khan te lukai jaise, talowar bonabole kun lohar bhi nai. Saul pora tar sena khan polai juwa dikhi kene, wait na kori kene nijor pora boli dise. Tai tar Pitri laga hukum mana nai; tar rajya thaki najabo.
13 1Saul raja hua homoi te tar umar tiris saal thakise, aru tar pora Israel khan uporte bayalish saal raj korise. a a v1 Eitu ayat te thaka ginti khan Hebrew pora harai jaise, juntu te “Saul ek saal umar thakise… aru dui saal raj korise” koi ase. Yate thaka ginti khan to bisi notun Bible khan laga porha nisina ase. 2Saul pora Israel pora 3,000 manuh basi loise: 2,000 to tar logot Michmash aru Bethel laga pahar desh te, 1,000 to Jonathan logot Benjamin laga Gibeah te. Baki thaka khan ke tar pora ghor te, sob nijor tombu te pathai dise. 3Jonathan pora Geba te thaka Philistine laga sipahi dol ke mari dise, aru Philistine khan eitu hunise. Tetiya Saul pora pura desh te turi bajai kene koise, “Hebrew khan hunibi!” 4Saul pora Philistine laga sipahi dol ke mari dise, aru Israel khan Philistine khan nimite ghin kora bostu hoise koi kene, pura Israel khan eitu hunise. Karne manuh khan Gilgal te Saul logot joma hoise. 5Philistine khan Israel logot lorai koribole joma hoise—3,000 rath, 6,000 ghora uporte sipahi, aru samundar kinar laga balu nisina ginti kori bo napara sipahi khan. Tarkhan uthi ahhi kene Beth-aven laga purab phale Michmash te tombu lagaise. 6Jitia Israel laga manuh khan tarkhan digdar te ase koi kene dikhise—manuh khan ke bisi dukh dise—tetiya tarkhan gufa khan te, jongol te, pathor te, gaat te aru pani rakha kuwa khan te lukai jaise. b b v6 Pani rakha kuwa khan to barikha laga pani joma kori kene rakhibole pathor kati kene mati nichete bonai thaka tank asile. 7Kunba Hebrew khan to Jordan noi paar kori kene Gad aru Gilead te bhi jaise. Kintu Saul to Gilgal te thaki jaise, aru sob manuh khan kapi kapi tar piche jaise.
Saul pora Pitri laga kotha bina kaam korise
8Samuel pora thik kora homoi, sat din tak tar pora rukhise; kintu Samuel Gilgal te aha nai, aru manuh khan tar pora chatri jaise. 9Saul pora koise, “Jolai diya boli aru shanti laga boli khan moi logot anibi.” Aru tar pora jolai diya boli tu utsorg korise.
10Jitia tar pora jolai diya boli khotom korise, Samuel ahhise, aru Saul tar ke lok pai kene salam koribole bahar te ulai jaise. 11Samuel pora hudise, “Tumi ki korise?” Saul pora jawab dise, “Moi dikhise manuh khan moi pora chatri jai ase, aru apuni thik homoi te aha nai, aru Philistine khan Michmash te joma hoi ase,
12karne moi bhabise, ‘Philistine khan Gilgal te moi uporte ahhibo, aru moi amar Pitri laga anugrah bisara nai.’ Karne moi nijor ke joborjosti kori kene jolai diya boli tu dise.”
13Samuel pora Saul ke koise, “Tumi murkho kaam korise. Tumar Pitri pora tumi ke diya hukum tumi mana nai. Jodi tumi eitu manile, tetiya amar Pitri pora tumar rajyo ke Israel uporte hodai nimite khara kori dibole thakise. 14Kintu etiya tumar rajyo tiki nathakibo. Amar Pitri pora Tar nijor mon nisina ekjon manuh bisari loise, aru tai ke Tar manuh khan uporte cholawta koribole niyukti korise, kilemane Tar pora tumi ke hukum diya tu tumi mana nai.”
15Samuel Gilgal pora ulai kene Benjamin laga Gibeah te uthi jaise. Saul pora tar logot thaka manuh khan ginti korise—prai 600 manuh thakise.
Israel khan hathiar bina chari dise
16Saul, tar laga putro Jonathan, aru tarkhan logot thaka manuh khan Benjamin laga Geba te thakise; Philistine khan Michmash te tombu lagaise. 17Philistine laga tombu pora lutera khan tin dol hoi kene ulaise. Ekta dol Shual desh te thaka Ophrah phale ghurise; 18aru dusra ekta Beth-horon phale ghurise; tisra to jongol phale, Zeboim laga upotyka ke sa thaka simana phale ghurise. 19Pura Israel te ekjon bhi lohar kaam kora manuh pa-a nai, kilemane Philistine khan koise, “Nahole Hebrew khan talwar nahole borsa bonabo.” 20Karne pura Israel khan tarkhan laga halor phal, kodal, kuThar aru kasia dhar koribole Philistine khan logot nichete jaise. 21Halor phal, kodal aru kata khan dhar kora nimite dam to prai ek-chouthai ounce chandi thakise, aru kuThar khan dhar kora aru goru khundi diya lathi khan notun kori dhar kora nimite prai aath bhag ek ounce thakise. c c v21 Goru khundi diya lathi to ekta lamba lathi asile junto laga agete dhar kora loha laga tuk thakise, juntu pora goru khan ke age jabole khundi diye. 22Lorai laga din te Saul aru Jonathan logot thaka sob manuh khan logot ekta bhi talwar nahole borsa pa-a nai; khali Saul aru tar laga putro Jonathan logot he eitu khan thakise.
23Philistine laga ekta sipahi dol Michmash laga ghat phale ulai jaise.