Ipaglaban ni Pablo ti Turay nga Naited kenkuana ni Ama

Kuna dagiti managbabalawna a napigsa dagiti suratna ngem no kaharap ket awan ti pakaidayawanna ket awan serserbi ti panagsaona. Sungbatan ni Pablo a saan a kas iti tao dagiti armasna, ilaksidna ti ay-ayam dagiti kasupadina a mangrukod iti bagbagida babaen ti bagbagida met laeng, ket agtalinaed iti uneg ti beddeng nga inted kenkuana ni Amatayo.

Kapitulo 10.

Siak a mismo, ni Pablo, ti agpakpakaasi kadakayo gapu iti kinaemma ken kinaalumamay ni Cristo—siak a nanumo no kaduaennakayo, ngem natured kadakayo no adayoak. Agpakaasiak nga inton addaakon kadakayo, saanakon koma a kasapulan nga agtured—buyogen ti pannakatalged a planok nga usaren a maibusor kadagidiay mangibilang a agbibiagkami a maitunos kadagiti pagalagadan ti tao. Ta uray agbibiagkami iti bagi, saankami a makigubat a maitunos kadagiti pagalagadan ti tao. Ta dagiti armas ti gubatmi ket saan a kas kadagiti armas ti tao, no di ket nabileg babaen kenni Amatayo a pangrebba kadagiti sarikedked. Rebbaenmi dagiti panagrasrason ken tunggal natangsit a banag nga impangato a maibusor iti pannakaammo kenni Amatayo, ket tiliwenmi ti tunggal panunot tapno agtulnog kenni Cristo. Kalpasan a naan-anay ti panagtulnogyo, nakasaganakami a mangdusa iti tunggal kinasukir.

Kitkitaenyo dagiti banag segun iti makita. No adda mapagpanunot a kukua isu ni Cristo, panunotenna manen daytoy: kas iti kinakukuana kenni Cristo, kasta met dakami. Ta uray no bassit a nalabesen ti panangpasindayagko maipapan iti turay nga inted kadakami ni Apo—tapno mabangonkayo, saan a tapno marebbakayo—diakto mabainan. Diak kayat a mayparang a kasla padasek a butbutngen kayo babaen kadagiti suratko. Ta kunada, “Nadagsen ken nabileg dagiti suratna, ngem no addaanen sadiay ket nakapuy ken awan serserbi ti panagsaritana.” Panunoten koma daydiay a tao: no ania ti ibagami babaen iti surat no adayokami, isu ti aramidenmi no addaankami.

Diramanenmi ti mangibilang wenno mangidumduma iti bagimi kadagiti dadduma a mangidaydayaw iti bagida. Ta no ibilangda ti bagida babaen kadagiti bagida ken idumdumada ti bagida kadagiti bagida, ipakitada nga awanda pannakaawat. Ngem dikami agpasindayag a lumabes iti beddeng, no di ket iti uneg laeng ti sukat ti sakup nga indatag kadakami ni Amatayo—sukat a makadanon uray kadakayo. Dikami lumabes iti beddeng, a kas no dikami nakadanon kadakayo, ta kaunaanmi a nakadanon agingga kadakayo buyogen ti Naimbag a Damag ni Cristo. Dikami agpasindayag a lumabes iti beddeng kadagiti panagbannog ti sabsabali, no di ket mapagtalkami nga inton dumakkel ti pammatiyo, nangatngato unayto ti sakupmi iti tengngayo, tapno maikaritmi ti Naimbag a Damag kadagiti rehion a labes kadakayo, nga awan ti pagpasindayagmi iti trabaho a naaramid idin iti teritorio ti sabali. Ngem “ti agpasindayag, agpasindayag koma kenni Amatayo.” ^a Ta saan a ti mangidaydayaw iti bagina ti maawat, no di ket ti idaydayaw ni Amatayo.