Granprèt nou an, Chita

Yon sèl fraz pote tout bagay: granprèt nou an chita. Sa l ap sèvi a se pa yon kopi, se vrè kote ki apa pou Bondye a. Alyans li fè medyatè a se sa Jeremi te pwomèt la, ak lwa ki ekri nan lespri ak nan kè moun, peche yo pa chonje ankò, epi tout moun konnen Papa nou.

Chapit 8.

Men sa nou vle di: nou gen yon granprèt konsa, ki chita sou bò dwat fòtèy Bondye ki gen tout pouvwa a nan syèl la. Li se yon sèvitè nan kote ki sen yo ak nan vrè tant lan, tant Papa a te moute, se pa yon moun ki te moute l. Yo mete chak granprèt pou l ofri kado ak ofrann bèt; se konsa sa a tou dwe gen yon bagay pou l ofri. Si l te sou latè, li pa ta menm yon prèt, paske gen lòt moun k'ap ofri kado yo dapre lalwa.

Y'ap sèvi yon kopi ak yon lonbray bagay ki nan syèl yo, menm jan Bondye te avèti Moyiz lè li tapral fin moute tant lan. Bondye di l: “Gade, fè tout bagay dapre modèl yo te montre ou sou mòn lan.”

Men koulye a, Jezi resevwa yon travay sèvis ki pi wo, paske kontra li sèvi entèmedyè a pi bon, li tabli sou pwomès ki pi bon. Paske si premye kontra sa a pa te gen defo, pa ta gen bezwen yon dezyèm.

Paske lè li jwenn defo nan yo, li di: “Gade, jou yo ap vini, se sa Papa nou di, lè m'ap fè yon nouvo kontra ak kay Izrayèl la ak kay Jida a. Se p'ap tankou kontra mwen te fè ak zansèt yo a, jou mwen te pran yo nan men pou m fè yo soti nan peyi Lejip la. Paske yo pa t rete nan kontra mwen, se konsa mwen pa t okipe yo ankò, se sa Papa nou di. Paske men kontra mwen pral fè ak kay Izrayèl la apre jou sa yo, se sa Papa nou di: Mwen pral mete lalalwa mwen yo nan lespri yo, m'ap ekri yo nan kè yo, m'ap vin Papa yo, y'ap vin pitit mwen. Pesonn p'ap bezwen moutre vwazen l ankò, ni fè frè l konnen, y'ap di: ‘Konnen Papa nou,’ paske yo tout pral konnen m, depi pi piti a rive nan pi gran an. Paske m'ap gen pitye pou mechanste yo, mwen p'ap chonje peche yo ankò.”

Lè li pale sou yon nouvo kontra, li fè premye a vin ansyen. Sa ki ansyen e k'ap vin vye a prèt pou l fini.