Mi eng' bukuit

Tyenwogigap Kalasunet 90 FHB Father's Heart Bible™

Kiistoi 15% eng' kiy ne iale korook →
Bukuit

Saaei Musa Kwanda ne po Koigeny

Saaet ne po Musa, chiitap Kwandanyo.

Nde Musa saboondap chiito keny ak Kwandanyi ne po koigeny: kesiirtoi kenyiisyek elfu agenge ko uu riipseet ne po keemout ne kagoba, ak kesagsagei piik ko uu susweegap mornet. Ma soomei peetuusyek che chaang' kosiir, ago utaatyet ne krar icheek, ak boiboiyet ne kergeitu kenyiisyegap nyalilda.

Ng'alaali Kwandanyo eng' mustari 3

Sura 90.

Kiptaiyat Kwanda, ki ii inyee oldanyo ne kimenye eng' ibinwek tugul. Kotom kisik tuloonook, anan kotom ikony ng'wony ak emet komugul, kobun koigeny agoi koigeny, ii inyee Kwandanyo.

Iweekyi piik koba temburyek, ile, “Oweege, lagogap chiito.”

Amu kenyiisyek elfu agenge eng' taing'ung' ko uu peetuut ne kagoba, ak uu riipseet eng' kemout. Iwong'u icheek ko uu maraneet; ko uu karwotitoet, ak uu susweek che kuutu eng' mornet, Eng' mornet ko tuneni ak kuutu; eng' koleny ko kobetos ak restos.

Amu kebeelei acheek eng' angeeng'ung'; ak eng' nereegeguk ko katoptoben acheek. Kaande yaitwogikyok eng' taing'ung', tengekwogikyok che po ung'oot eng' lapkeiyetap taing'ung'. Amu kosiirtoi peetuusyekyok tugul eng' nereegeguk; keges kenyiisyekyok ko uu kong'et. Kisabei acheek kenyiisyek tamanwogik tisap, anan tamanwogik sisiit ngot ko mi kimnateennyo; ago kiibu kityo nyaliilda ak pichiindo—kosiirtoi chokchok, ak kitirireni acheek. Ng'oo ne ingen kimnateetap angeeng'ung'? Oo nereegeguk ko uu iyweisyet ne nyolu. Ineetech kerar peetuusyekyok, si kinyooru muguleldap utaatyet.

Iweege, Kwandanyo! Agoi oria? Iriiree otwogiguk. Iyamech eng' mornet eng' rireeneng'ung', si kityen eng' poiboiyet ak kiboiboitu eng' peetuusyekyok tugul. Iboiboitech ko uu peetuusyek che kinyalilech, ak kenyiisyek che kageer nyalilda. Ingogeer otwogiguk poisyeng'ung', ak ingogeer lagokwak toroornateng'ung'.

Ingomi chametap Kiptaiyat Kwanda paragunnyo; igimitwech poisyetap eunekyok—ee, igimit poisyetap eunekyok.