Moses cedzü külakütso ha Po ce kecho thizo
Ha Po thüma Moses pü kecho.
Mosese thümanuo kehü-o pü cedzü külakütso ha Po züde püma süto: tütse 1,000-o tüzülü khasü thi tapü bi kümücuh to, mu thümako küshüh menupü mho bi dzüe tata keto. Pue nuhü kekro müzhemo, vele ha tüsoko piphri seti ha müthayi mu ha müzhie thi tüso tatü ha nü thi müzhe.
Ha Po verse hilü po ba 3
90 1Apo, nuhü metü lü, No ha züde keba zota. 2Cejütuko menu kümothe, mori No cejü mu melümha thita, cedzü külakütso celü cedzü külakütso da, No ha Po zo.
3No thümako cejü ce sala süto, “Sala vorite, thümanuo,” die posü.
4Kekrelamori N mhüjülü tütse nye kata la, tüso di keta tapü bi zo, tüzülü khasü thi tapü bi zo. 5No süko dzü bi tata keto; uko mholü bi zo, küshüh menupü nha bi zo, 6Küshüh pü chüsü menu; thevalü pü shütasü revi tayo.
7Kekrelamori N lüda lü ha di tato; N lekhu lü ha reshü tazo. 8No ha mathokümoko N mhüjülü sü ketala, ha mükhrü kephomako N presa küve lü sü ketala. 9Kekrelamori ha tüso metü N lekhu lü di tato; ha tütse sükhrü thasü bi zhochü süto. 10Ha tütse hethüna rhü, mori ha küku tasü lize tütse hetütha; süri süko mhatho mu kümüzhie lebi vorito—uko metha di tato, mu ha prü vota. 11N lüda küku sopü seo? No meprü sazü bi, N lekhu kezho zo. 12Ha tüsoko piphri seti ha müthayite, size ha mhase mülü khi ketola.
13Sala vorite, ha Po! Dopü da? N cetao phimezhe te. 14Küshüh N jütsüjükho kesu kerho lü ha nü thiva te, size ha nüde tsale thi, ha tüso metü lü nü ketola. 15No ha müzhie thi tüso tatü, mu ha müzhie ngopü tütse tatü, ha nü thi te. 16N cetao N mhatho ngo te, mu uko nuneko N zapozale ngo te.
17Apo kenü ha yo bayite; ha bo mhatho ha la mama te—süzi, ha bo mhatho mama te.
