Tatembangba Temerenshi Tenet
Shiruru akokbatem glass tzüyim madak noktaka, Mosa ken aser San Chanu ken aten, asen Tebu lenmang temeshi aser atangji ta ja. Tenyar tenet temerük sentsüprangba tezüng sü sobua, su tenet den adok, aser mokozü agi tenla ki sünga, parnok su tokshi tsüng kata shi melentsü makok.
15 1Ni kotak nung tangar temaitsü ka, tulu aser sayatenya, angu: tatembangba temerenshi tenet amba tenyar tenet, kechiaser item nung Tebu terasaba abensa.
2Ni glass tzüyim mi den meyoktepba ama ka angu, aser shiruru, pa süngyanglu, aser pa tenüng züngdangba akokbatem, Tebu nungi jemji amba, idak tezülen noktaker ni angu. 3Aser parnoki Tebu tenzüker Mosa ken, aser San Chanu Yisu ken aten: “Ne mapatem tulu aser sayatenya lir, Oh Ajak Takoksang Oba! Ne lenmangtem temeshi aser atangji lir, Oh kintem Chuba! 4Oba, shibai na metsübutsü aser ne nüng sentsü mawangshidaktsü? Kechiyong na mesüngi dang temeshi lir. Kintem ajak arua ne madang külemtsü, kechiyong ne temeshi mapatem jungkai adokogo.”
5Iba sülen ni reprang, aser kotak nung tenla ki, Ozüng Süngden süki, lapoka liasü. 6Temerenshi tenet amba tenyar tenet, temerük sentsüprangba tezüng sü sobua, parnok tesa meketa hon peremlen naia, tenla ki nungi adok.
7Idangji taküm shiruru pezü rongnung ka-i, teti tatem maka taküm aliba Tebu terasaba agi sünga aliba hon marok tenet, tenyar tenet nem agütsü. 8Tebu sentsüwangshi nungi aser pa tashi nungi mokozü agi tenla ki sünga liasü; tenyar tenet temerenshi tenet tema tashi idak jagi shir kaang aitsü makok.