Naomieibü Kümthen
Naomiei Rut to khüyou amshang to hautikei, Boaz to haoeibü nei hao phanga semla shanga sakkula. Haoei pienkei, kheijinei olinkei: haoei hao to keian dogo laukei, seneibü Bou danko hao haükukei, hoba nyangbou chempen cheei angngaialonga, himshuongei hao angngaila thebülankei.
3 1Hobaje saoeibü nyumaonyu Naomiei sao to laukei, “Kü nashou, ka la maibü yingla shanga, ngei ka shanga kishang che lamlea lo? 2Aoeibü yaksa nashou shuong yoa no kibü Boaz kho seneibü chempen aying lo? Chühashi, tao nangnak haoei amshanga barli youshou naklabü. 3Jembü makashi, onang jinkuashi, kaibü neisimei neiashi, hoba amshang to yanashi. Haoei shau yungbü wanbü shongko, nyi hao to jembü tang tekhitjan. 4Haoei yepjinei, hao yepshang kho ngeashi; hauan hao you aenei nei kho apan yepashi—haoei ai kümlaje kho ka to lenlabü.”
5Hobaje Rutei sao to laukei, “Nyi ai laudaje pendou ngei kümbulabü.” 6Hibü saoei amshang to yanan, saoeibü nyumaonyuei hao la lenbü pendou kümbei. 7Hobaje Boazei shaukei yungkei, hoba haoeibü maang maikei, kheijinei youshou laangshang thona yepkei. Saoei huonei louan, hao you aenei nei kho apan, yepkei. 8Metuphanga müt kho pienkei hoba maang pangkei, hoba hao phaito sepeikei, hobaje chühashi, hao you aenei yaksa che yepan kikei! 9Haoei phekei, “No ao?” Saoei laukei, “Ngo kaibü samnyu Rut ki. Kaibü nei nyek kho kaibü samnyu thüka seiashi, aishanga no angngaibou ki.” a a v9 Müt che thüka nei nyek seibü kho, yak lela hoba satenla shanga sudaja kibü che kiteikei.
10Haoei laukei, “Kü nashou, no seneibü Bou danko haübou. Ho phaibü sanou kho shaangbü tokei maibou ki, aishanga no heshou shuong, shalebü yingsikei keibü, phai asem. 11Tou, kü nashou, tehüt. No ai sudajada pendou ngei kümbulabü, aishanga kü sangnyu khümbobü mütshuongei no mubü yaksa che dogo ngeakei. 12Tou maimaitham ngo angngaibou che ki, lausikei ngo tokei nyangbü angngaibou che kia. 13Tao nangnak hanei kishi. Ngeyang, haoei no angngaimang sühalonga—hoat, haoei angngaiashi. Aying tegükei, Bou langkei ki shongko, ngei no angngailabü. Ngeyang shongko yepashi.”
14Saoei ngeyang shongko hao you aenei yepkei, hoba aoei lu to angela amuko kijinei saoei pienkei; aishanga haoei laukei, “Yaksa che amshang to loukei dogo aoeikei ange tüang.” 15Haoei laukei, “No neidabü nei kho hanei sungbashi, hoba kho khüpashi.” Saoei kho khüpkei. Haoei barli youshou lak takan, sao thüka phokukei, hoba sangnyu to loukei.
16Rut saoeibü nyumaonyu jungto loujinei, Naomiei phekei, “Kü nashou, lalokche kian?” Saoei müt kho sao la kümbü pendou sao to lenkei. 17Saoei laukei, “Haoei kü la ho barli youshou takbü lak kukei hoba laukei, ‘Kaibü nyumaonyu jungto ikkong tengaijan.’”
18Naomiei laukei, “Kü shou nyi, ho ngüh ai yeilaje nyi ngela shongko haiteishi, aishanga müt khoei tat ho ngüh alou shad shongko asatlabü.”
