Ang Tagipusuon ni Pablo para sa Israel

Ang katawhan ni Pablo may matuod nga kakugi para sa aton Amay apang ginatumod sa sayop nga butang: ang pagpatindog sang ila kaugalingon nga pagkamatarong imbes nga iya. Ang iban nga dalan malapit lang, sa baba kag sa tagipusuon, kag bukas sa bisan sin-o nga nagatawag. Kag diri nagatuhaw ang praktikal nga problema — wala sing makabati kon wala sing ginpadala.

Nagahambal ang aton Amay sa bersikulo 21

Kapitulo 10.

Mga kauturan, ang ginahandum sang akon tagipusuon kag ang akon pangamuyo sa aton Amay tungud sa Israel amo ang ila kaluwasan. Nagapamatuud ako tuhoy sa ila: may kakugi sila sa aton Amay, apang indi suno sa ihibalo. Bangud wala nila mahibalui ang pagkamatarung sang aton Amay, kag nagatinguha sila sa pagpatindog sang ila kaugalingon, wala sila magpasakup sa pagkamatarung sang aton Amay. Kay si Cristo amo ang katuyoan sang kasuguan, agud nga ang tanan nga nagatuo makabaton sing pagkamatarung.

Kay nagasulat si Moises tuhoy sa pagkamatarung nga nasandig sa kasuguan, “Ang tawo nga nagahimo sining mga butang magakabuhi paagi sa ila.”

Apang nagasiling ang pagkamatarung nga nasandig sa pagtuo, “Dili ka magsiling sa imo tagipusuon, ‘Sin-o ang magasaka sa langit?’” (amo ini, agud panaugon si Cristo). “ukon ‘Sin-o ang magalusad sa kadadalman?’” (amo ini, agud bangonon si Cristo gikan sa mga patay). Apang ano ang ginasiling sini? “Ang pulong malapit sa imo, sa imo baba kag sa imo tagipusuon”—amo ini ang pulong sang pagtuo nga amon ginawali: Kon ituad mo sa imo baba nga si Jesus Ginoo, kag magtuo ka sa imo tagipusuon nga ginbanhaw sia sang aton Amay gikan sa mga patay, maluwas ka. Kay sa tagipusuon nagatuo ka kag ginahimo ka nga matarung sa atubangan sang aton Amay; sa baba nagatuad ka kag ginaluwas ka. Kay nagasiling ang Kasulatan, “Ang tagsatagsa nga nagatuo sa iya indi mahuy-an.” Walay kinatuhay ang Judio kag ang Griego: ang amo man nga Ginoo amo ang Ginoo sang tanan, nga mahinatagon sa tanan nga nagatawag sa iya. Kay “ang tagsatagsa nga magatawag sa ngalan sang aton Ginoong Jesus maluwas.” ^a

Busa paano sila makatawag sa isa nga wala nila pagtuohi? Paano sila makatuo sa isa nga wala nila mabatian? Paano sila makabati kon wala sing nagawali? Paano nila sia mabantala kon indi sila ipadala? Subong sang nasulat, “Daw ano ka matahum ang mga tiil sang mga nagadala sing maayong balita!”

Apang wala magtuman ang tanan sa maayong balita, kay nagasiling si Isaias, “Amay namon, sin-o ang nagtuo sa amon ginbantala?” Busa nagagikan ang pagtuo sa pagpamati, kag ang pagpamati paagi sa pulong tuhoy kay Cristo. Apang nagapamangkot ako: Wala bala sila makabati? Huo, nakabati sila: “Nagguwa ang ila tingog sa bug-os nga duta, ang ila mga pulong sa pinakamalayo nga mga bahin sang kalibutan.”

Apang nagapamangkot ako, wala bala makahibalo ang Israel? Una, nagasiling si Moises, “Pahisaon ko kamo paagi sa mga indi isa ka nasyon, paakigon ko kamo paagi sa isa ka nasyon nga walay paghangup.”

Maisog si Isaias sa pagsiling, “Nasapwan ako sang mga wala nagapangita sa akon; nagpakita ako sa mga wala nagapamangkot sa akon.”

Apang tuhoy sa Israel nagasiling sia, “Sa bug-os nga adlaw gin-unat ko ang akon mga kamut sa isa ka katawohan nga dili matinumanon kag masinutlanon.”