Ntima wa Paulu Kuna Izarayeli

Anthu a Paulo ana phinga yandimomwene kuna Baba wathu, mbwenye yakusaka cinthu cakuphonyeka: kusaka kulungama kwawo ekhene m'mbuto mwa kulungama kwace. Njira inango iri pafupi, mu ndomo na mu ntima, yakufunguka kuna ali onsene anacemera. Pyenepi pisabala nyatwa ya ndimomwene — nkhabe munthu anabva mbapadzati kukhala munthu wakutumwa.

Kapitulu 10.

Abale, cifuno ca ntima wanga na phembero yanga kuna Baba wathu thangwi ya Izarayeli ndi toera iwo apulumuswe. Ine ndisapereka umboni thangwi ya iwo: iwo ali na phinga thangwi ya Baba wathu, mbwenye nee mwakubverana na kudziwa. Nakuti nee adziwa kulungama kwa Baba wathu, mbasaka kukhazikisa kulungama kwawo ene, iwo nee abvera kulungama kwa Baba wathu. Thangwi Kirixtu ndi nkhomo wa mwambo, toera onsene ale anakhulupira atambire kulungama.

Thangwi Mozese asalemba thangwi ya kulungama kunabuluka mu mwambo: “Ule anacita pinthu ipi anadzakhala maso na ipyo.”

Mbwenye kulungama kunabuluka mu cikhulupiro kusalonga: “Leka kulonga muntima mwako, ‘Mbani anakwira kudzulu?’ ” (pisabveka, toera kutsikisa Kirixtu). “peno, ‘Mbani anatcereza mu n'thunji wakuzika?’ ” (pisabveka, toera kulamusa Kirixtu muli anyakufa). Mbwenye isalonga tani? “Fala iri cifupi na iwe, mu mulomo mwako na muntima mwako” — pisabveka fala ya cikhulupiro inamwaza ife: Ungabvuma na mulomo wako kuti Yezu ndi Mbuya, mbukhulupira muntima mwako kuti Baba wathu adanlamusa muli anyakufa, iwe unadzapulumuswa. Thangwi na ntima usakhulupira mbukhala wakulungama pamaso pa Baba wathu, na mulomo usabvuma mbupulumuswa. Thangwi Malemba asalonga: “Onsene ale anankhulupira Iye nkhabe kudzapaswa manyadzo.” Nkhabepo cakusiyana pakati pa Muyuda na Mugerego: Mbuya m'bodzi ene ndi Mbuya wa onsene, wakupasa mwakudzala kuna onsene ale anancemera Iye. Thangwi “onsene ale anacemera dzina ya Mbuya wathu Yezu anadzapulumuswa.” ^a

Na tenepo, anakwanisa tani kucemera ule iwo adakhonda kunkhulupira? Anakwanisa tani kukhulupira ule iwo adakhonda kumbva? Anakwanisa tani kubva pakukhonda munthu wakumwaza mphangwa? Anakwanisa tani kummwaza Iye angakhonda kutumwa? Ninga pidalembwa: “Ndi akudeka kakamwe miyendo ya ale anabweresa mphangwa zadidi!”

Mbwenye nee onsene abvera mphangwa zadidi, thangwi Izaiya asalonga: “Baba wathu, mbani adakhulupira mphangwa yathu?” Na tenepo, cikhulupiro cisabwera na kubva, na kubva kusabwera na fala thangwi ya Kirixtu. Mbwenye ine ndisabvundza: kodi iwo nee abva? Inde, abva: “Lizu yawo yabuluka mbiienda pa dziko yonsene, mafala awo afika kunkhomo kwa dziko.”

Mbwenye ndisabvundza: kodi Izarayeli nee adziwa? Pakutoma, Mozese asalonga: “Ine ndinadzakucitisani nsanje na ale nee ali mbumba, ndinadzakutsukwalisani na mbumba yakukhonda bvesesa.”

Izaiya alonga mwacipapo: “Ine ndagumanika na ale akhakhonda kundisaka; ndaonekera kuna ale akhakhonda kundiphemba.”

Mbwenye thangwi ya Izarayeli, iye asalonga: “Ntsiku yonsene ndatambalisa manja anga kuna mbumba yakukhonda bvera na yakuumisa nsingo.”