2 ዜና መዋዕል 33

33 ¹ምናሴ በነገሠ ጊዜ ዐሥራ ሁለት ዓመት ነበረው፤ በኢየሩሳሌምም ኀምሳ አምስት ዓመት ነገሠ። ²አባታችን በእስራኤላውያን ፊት እንዳባረራቸው የአሕዛብ አስጸያፊ ድርጊቶች መስሎ፣ በአባታችን ፊት ክፉ ነገር አደረገ። ³አባቱ ሕዝቅያስ ያፈረሳቸውን የኮረብታ ላይ የማምለኪያ ስፍራዎች መልሶ ሠራ፤ ለበኣሎች መሠውያዎች ሠራ፤ የአሼራ ዐፀዋትን አቆመ፤ ለሰማይ ሠራዊት ሁሉም ሰገደ፤ አመለካቸውም።

⁴አባታችን፣ “ስሜ በኢየሩሳሌም ለዘላለም ይኖራል” ባለበት በአባታችን ቤት ውስጥ መሠውያዎች ሠራ።

⁵በአባታችን ቤት በሁለቱም አደባባዮች ለሰማይ ሠራዊት ሁሉ መሠውያዎች ሠራ። ⁶በቤንሂኖም ሸለቆ ልጆቹን በእሳት ሠዋ፤ ሟርትን፣ ምልክቶችንና ጥንቆላን ተከተለ፤ መናፍስት ጠሪዎችንና መተተኞችንም አማከረ። በአባታችን ፊት ብዙ ክፉ ነገር በማድረግ ቍጣውን ቀሰቀሰ።

⁷የሠራውን የተቀረጸ ምስል በአባታችን ቤት ውስጥ አኖረ፤ አባታችንም ስለዚያ ቤት ለዳዊትና ለልጁ ለሰሎሞን እንዲህ ብሎ ነበር፤ “ከእስራኤል ነገዶች ሁሉ በመረጥኋት በዚህ ቤትና በኢየሩሳሌም ስሜን ለዘላለም አኖራለሁ። ⁸ያዘዝኋቸውን ሁሉ፣ በሙሴ የተሰጠውን ሕግ ሁሉ፣ ድንጋጌዎችንና ሥርዐቶችን በጥንቃቄ ቢጠብቁ ብቻ፣ እስራኤልን ለአባቶቻችሁ ከሰጠኋት ምድር ዳግመኛ ከቶ አላፈናቅልም።”

⁹ነገር ግን ምናሴ ይሁዳንና የኢየሩሳሌምን ሕዝብ አሳተ፤ አባታችን በእስራኤል ፊት ካጠፋቸው አሕዛብ ይልቅ የከፋ ክፉ ነገር አደረገ።

¹⁰አባታችን ለምናሴና ለሕዝቡ ተናገረ፤ እነርሱ ግን ሊሰሙ አልወደዱም። ¹¹ስለዚህ አባታችን የአሦርን ንጉሥ የጦር አዛዦች አመጣባቸው፤ ምናሴንም በመንጠቆዎች ማረኩት፤ በናስ ሰንሰለት አስረው ወደ ባቢሎን ወሰዱት። ^a a v11 የጥንት ድል አድራጊዎች ምርኮኞችን በአፍንጫ ወይም በከንፈር ውስጥ ባስገቡት መንጠቆ ወይም ቀለበት ይጎትቷቸው ነበር። ¹²በተጨነቀም ጊዜ የአባታችንን ሞገስ ፈለገ፤ በአባቶቹም አምላክ ፊት እጅግ ራሱን አዋረደ። ¹³ወደ እርሱም ጸለየ፤ አባታችንም በልመናው ተራርቶ የምሕረት ጩኸቱን ሰማ፤ ወደ ኢየሩሳሌም፣ ወደ መንግሥቱ መለሰው። ያን ጊዜ ምናሴ አባታችን እግዚአብሔር እንደ ሆነ ዐወቀ። ^b b v13 ምናሴ ከይሁዳ ነገሥታት ሁሉ እጅግ ክፉው ነበር፤ ሆኖም ራሱን ባዋረደ ጊዜ አባታችን ሰማው፤ ወደ ቤቱም መለሰው፤ አብ ከሚቀበለው አልፎ ኀጢአት የሠራ ልጅ የለም።

¹⁴ከዚህም በኋላ የዳዊትን ከተማ የውጭ ቅጥር መልሶ ሠራ፤ ከጊሆን በስተ ምዕራብ በሸለቆው አድርጎ እስከ ዓሣ በር መግቢያ ድረስ፣ በዖፌል ዙሪያ፣ እጅግ ከፍ አድርጎ ሠራው። በይሁዳም የተመሸጉ ከተሞች ሁሉ የጦር አዛዦችን አስቀመጠ። ¹⁵ከአባታችን ቤት ባዕዳን አማልክትንና ጣዖትን አስወገደ፤ በቤተ መቅደሱ ተራራ ላይና በኢየሩሳሌም የሠራቸውን መሠውያዎች ሁሉ አስወግዶ ከከተማው ውጭ ጣላቸው። ¹⁶የአባታችንን መሠውያ መልሶ ሠራ፤ በላዩም የደኅንነትና የምስጋና መሥዋዕቶችን ሠዋ፤ ይሁዳም አባታችንን፣ የእስራኤልን አምላክ፣ እንዲያገለግሉ አዘዘ። ¹⁷ሆኖም ሕዝቡ አሁንም በኮረብታ ላይ ባሉ የማምለኪያ ስፍራዎች ይሠውዉ ነበር፤ ነገር ግን ለአባታችን ለአምላካቸው ብቻ ነበር።

¹⁸የምናሴ ሌሎች ሥራዎች፣ ወደ አባታችን ያደረገው ጸሎት፣ ባለ ራእዮች በአባታችን በእስራኤል አምላክ ስም የተናገሩለት ቃል፣ በእስራኤል ነገሥታት ዜና መዋዕል ተጽፈዋል። ¹⁹ጸሎቱ፣ አባታችን በእርሱ እንዴት እንደ ተራራለት፣ ኀጢአቱና ዐመፁ ሁሉ፣ ራሱን ከማዋረዱ በፊት የኮረብታ ላይ የማምለኪያ ስፍራዎች የሠራባቸው፣ የአሼራ ዐፀዋትንና የተቀረጹ ምስሎችን ያቆመባቸው ስፍራዎች፣ ሁሉም በባለ ራእዮች ዜና መዋዕል ተጽፈዋል። ²⁰ምናሴም ሞተ፤ በቤተ መንግሥቱም ተቀበረ። ልጁ አሞጽም በእርሱ ፋንታ ነገሠ።

አሞጽ ራሱን ለማዋረድ እምቢ አለ

²¹አሞጽ በነገሠ ጊዜ ሃያ ሁለት ዓመት ነበረው፤ በኢየሩሳሌምም ሁለት ዓመት ነገሠ። ²²አባቱ ምናሴ እንዳደረገው፣ በአባታችን ፊት ክፉ ነገር አደረገ። አሞጽ ምናሴ ለሠራቸው የተቀረጹ ምስሎች ሁሉ ሠዋ፤ አመለካቸውም። ²³እንደ አባቱ እንደ ምናሴ ሳይሆን፣ በአባታችን ፊት ራሱን አላዋረደም፤ ይልቁንም አሞጽ በደሉን አበዛ። ²⁴የአሞጽም ሎሌዎች በእርሱ ላይ አሢረው በቤተ መንግሥቱ ገደሉት። ²⁵የምድሪቱም ሕዝብ በንጉሥ አሞጽ ላይ ያሤሩትን ሁሉ ገደሉ፤ ልጁን ኢዮስያስንም በእርሱ ፋንታ አነገሡ።