Gẹnẹsisi 36

36 ¹Èyí ni ìtàn ìdílé Esau (èyí ni, Edomu). ²Esau fẹ́ àwọn aya rẹ̀ nínú àwọn ọmọbìnrin Kenaani: Ada ọmọbìnrin Eloni ọmọ Hiti, àti Oholibama ọmọbìnrin Ana, ọmọbìnrin Sibeoni ọmọ Hifi, ³àti Basemati ọmọbìnrin Iṣmaeli, arábìnrin Nebaioti. ⁴Ada bí Elifasi fún Esau, Basemati sì bí Reueli, ⁵Oholibama bí Jeuṣi, Jalamu, àti Kora—àwọn ọmọ Esau, tí a bí fún un ní ilẹ̀ Kenaani. ⁶Esau sì mú àwọn aya rẹ̀, àwọn ọmọkùnrin rẹ̀, àwọn ọmọbìnrin rẹ̀, gbogbo àwọn ará ilé rẹ̀, ohun ọ̀sìn rẹ̀, gbogbo ẹran rẹ̀, àti gbogbo ohun ìní tí ó ti kójọ ní Kenaani, ó sì ṣí lọ sí ilẹ̀ kan tí ó jìnnà sí Jakọbu arákùnrin rẹ̀. ⁷Nítorí ohun ìní wọn pọ̀ jù fún wọn láti jọ máa gbé; ilẹ̀ tí wọ́n ń gbé kò lè gbé àwọn méjèèjì mọ́ nítorí ohun ọ̀sìn wọn. ⁸Nítorí náà Esau tẹ̀dó sí ilẹ̀ olókè Seiri. (Esau ni Edomu.).

⁹Wọ̀nyí ni ìtàn ìran Esau, baba àwọn ará Edomu, ní ilẹ̀ olókè Seiri. ¹⁰Wọ̀nyí ni orúkọ àwọn ọmọ Esau: Elifasi ọmọ Ada aya Esau; Reueli ọmọ Basemati aya Esau. ¹¹Àwọn ọmọ Elifasi ni Temani, Omari, Sefo, Gatamu, àti Kenasi. ¹²Timna, àlè Elifasi ọmọ Esau, bí Amaleki fún un. Wọ̀nyí ni àwọn ọmọ Ada aya Esau. ¹³Wọ̀nyí ni àwọn ọmọ Reueli: Nahati, Sera, Ṣamma, Missa. Wọ̀nyí ni àwọn ọmọ Basemati aya Esau. ¹⁴Wọ̀nyí ni àwọn ọmọ Oholibama aya Esau, ọmọbìnrin Ana, ọmọbìnrin Sibeoni: ó bí Jeuṣi, Jalamu, àti Kora fún Esau.

¹⁵Wọ̀nyí ni àwọn olórí nínú àwọn ọmọ Esau. Àwọn ọmọ Elifasi, àkọ́bí Esau ni: olórí Temani, olórí Omari, olórí Sefo, olórí Kenasi. ¹⁶olórí Kora, olórí Gatamu, olórí Amaleki—wọ̀nyí ni àwọn olórí tí ń ti ọ̀dọ̀ Elifasi wá ní ilẹ̀ Edomu; wọ̀nyí ni àwọn ọmọ Ada. ¹⁷Wọ̀nyí ni àwọn ọmọ Reueli ọmọ Esau: olórí Nahati, olórí Sera, olórí Ṣamma, olórí Missa. Wọ̀nyí ni àwọn olórí tí ń ti ọ̀dọ̀ Reueli wá ní ilẹ̀ Edomu. Wọ̀nyí ni àwọn ọmọ Basemati aya Esau. ¹⁸Àwọn ọmọ Oholibama aya Esau ni: olórí Jeuṣi, olórí Jalamu, olórí Kora. Wọ̀nyí ni àwọn olórí Oholibama aya Esau, ọmọbìnrin Ana. ¹⁹Wọ̀nyí ni àwọn ọmọ Esau (èyí ni, Edomu), wọ̀nyí sì ni àwọn olórí wọn.

²⁰Wọ̀nyí ni àwọn ọmọ Seiri ọmọ Hori, tí ń gbé ní ilẹ̀ náà: Lotani, Ṣobali, Sibeoni, Ana, ²¹Diṣoni, Eseri, àti Diṣani—àwọn olórí àwọn ọmọ Hori, àwọn ọmọ Seiri, ní ilẹ̀ Edomu. ²²Àwọn ọmọ Lotani ni Hori àti Hemamu, arábìnrin Lotani sì ni Timna. ²³Wọ̀nyí ni àwọn ọmọ Ṣobali: Alfani, Manahati, Ebali, Ṣefo, àti Onamu. ²⁴Wọ̀nyí ni àwọn ọmọ Sibeoni: Aia àti Ana. Ana yìí ni ẹni tí ó rí orísun omi gbígbóná nínú aginjù nígbà tí ó ń bọ́ àwọn kẹ́tẹ́kẹ́tẹ́ Sibeoni baba rẹ̀. ²⁵Wọ̀nyí ni àwọn ọmọ Ana: Diṣoni, àti Oholibama ọmọbìnrin Ana. ²⁶Wọ̀nyí ni àwọn ọmọ Diṣoni: Hemdani, Eṣbani, Itrani, àti Kerani. ²⁷Wọ̀nyí ni àwọn ọmọ Eseri: Bilhani, Saafani, àti Akani. ²⁸Wọ̀nyí ni àwọn ọmọ Diṣani: Usi àti Arani. ²⁹Wọ̀nyí ni àwọn olórí àwọn ọmọ Hori: olórí Lotani, olórí Ṣobali, olórí Sibeoni, olórí Ana, ³⁰olórí Diṣoni, olórí Eseri, olórí Diṣani—àwọn olórí àwọn ọmọ Hori, ní agbo ilé kọ̀ọ̀kan, ní ilẹ̀ Seiri.

Àwọn Ọba Ṣáájú Àwọn Ọba Israẹli

³¹Wọ̀nyí ni àwọn ọba tí ó jẹ ní ilẹ̀ Edomu kí ọba kankan tó jẹ lórí àwọn ọmọ Israẹli: ³²Bela ọmọ Beori jẹ ọba ní Edomu, orúkọ ìlú rẹ̀ sì ni Dinhaba. ³³Nígbà tí Bela kú, Jobabu ọmọ Sera láti Bosra jẹ ọba ní ipò rẹ̀. ³⁴Nígbà tí Jobabu kú, Huṣamu láti ilẹ̀ àwọn ará Temani jẹ ọba ní ipò rẹ̀. ³⁵Huṣamu kú; Hadadi ọmọ Bedadi, ẹni tí ó ṣẹ́gun Midiani ní agbègbè Moabu, jẹ ọba ní ipò rẹ̀. Orúkọ ìlú rẹ̀ ni Afiti. ³⁶Nígbà tí Hadadi kú, Samla láti Masreka jẹ ọba ní ipò rẹ̀. ³⁷Nígbà tí Samla kú, Ṣauli láti Rehoboti létí odò Eufrate jẹ ọba ní ipò rẹ̀. ³⁸Nígbà tí Ṣauli kú, Baali-hanani ọmọ Akbori jẹ ọba ní ipò rẹ̀. ³⁹Nígbà tí Baali-hanani ọmọ Akbori kú, Hadari jẹ ọba ní ipò rẹ̀; orúkọ ìlú rẹ̀ ni Pau, orúkọ aya rẹ̀ sì ni Mehetabeeli, ọmọbìnrin Matredi, ọmọbìnrin Mesahabu.

⁴⁰Wọ̀nyí ni àwọn olórí tí ń ti ọ̀dọ̀ Esau wá, ní ìbámu pẹ̀lú agbo ilé wọn, àti ibi wọn, àti orúkọ wọn: olórí Timna, olórí Alfa, olórí Jeteti. ⁴¹olórí Oholibama, olórí Ela, olórí Pinoni, ⁴²olórí Kenasi, olórí Temani, olórí Mibsari, ⁴³olórí Magdieli, àti olórí Iramu. Wọ̀nyí ni àwọn olórí Edomu, ní ìbámu pẹ̀lú ibùgbé wọn ní ilẹ̀ tí wọ́n ní. Esau ni baba àwọn ará Edomu.