IGenesisi 36

36 ¹Lona umlando wozalo luka-Esawu (okungu-Edomi). ²U-Esawu wathatha abafazi bakhe emadodakazini aseKhanani: u-Ada indodakazi ka-Eloni umHeti, no-Oholibama indodakazi ka-Ana, indodakazi kaSibeyoni umHivi, ³noBasemati indodakazi ka-Ishmayeli, udadewabo kaNebayoti. ⁴U-Ada wazalela u-Esawu u-Elifazi, uBasemati wazala uRehuweli, ⁵u-Oholibama wazala uJewushi, uJalamu, noKora—amadodana ka-Esawu, awazalelwa ezweni laseKhanani. ⁶U-Esawu wathatha abafazi bakhe, amadodana akhe, amadodakazi akhe, bonke abendlu yakhe, imfuyo yakhe, zonke izilwane zakhe, nayo yonke impahla ayeyizuzile eKhanani, wasuka waya ezweni elikude nomfowabo uJakobe. ⁷Ngokuba impahla yabo yayinkulu kakhulu ukuba bahlale ndawonye; izwe ababehlala kulo lalingebanele bobabili ngenxa yemfuyo yabo. ⁸Ngakho u-Esawu wakha ezweni elinezintaba laseSeyiri. (U-Esawu ungu-Edomi.)

⁹Lena imilando ka-Esawu, uyise wama-Edomi, ezweni elinezintaba laseSeyiri. ¹⁰Nanka amagama amadodana ka-Esawu: u-Elifazi indodana ka-Ada umkaEsawu; uRehuweli indodana kaBasemati umkaEsawu. ¹¹Amadodana ka-Elifazi kwakunguThemani, u-Omari, uSefo, uGathamu, noKenazi. ¹²UThimna, isancinza sika-Elifazi indodana ka-Esawu, wamzalela u-Amaleki. Laba babengamadodana ka-Ada umkaEsawu. ¹³Nanka amadodana kaRehuweli: uNahati, uZera, uShama, noMiza. Laba babengamadodana kaBasemati umkaEsawu. ¹⁴Nanka amadodana ka-Oholibama umkaEsawu, indodakazi ka-Ana, indodakazi kaSibeyoni: wamzalela u-Esawu uJewushi, uJalamu, noKora.

¹⁵Lezi izinduna zamadodana ka-Esawu. Amadodana ka-Elifazi, izibulo lika-Esawu: induna uThemani, induna u-Omari, induna uSefo, induna uKenazi. ¹⁶Induna uKora, induna uGathamu, induna u-Amaleki—lezi izinduna zika-Elifazi ezweni lase-Edomi; laba babengamadodana ka-Ada. ¹⁷Nanka amadodana kaRehuweli indodana ka-Esawu: induna uNahati, induna uZera, induna uShama, induna uMiza. Lezi izinduna zikaRehuweli ezweni lase-Edomi. Laba babengamadodana kaBasemati umkaEsawu. ¹⁸Amadodana ka-Oholibama umkaEsawu: induna uJewushi, induna uJalamu, induna uKora. Lezi izinduna zika-Oholibama umkaEsawu, indodakazi ka-Ana. ¹⁹Lawa amadodana ka-Esawu (okungu-Edomi), lezi izinduna zabo.

²⁰Nanka amadodana kaSeyiri umHori, ababehlala kulelo zwe: uLothani, uShobali, uSibeyoni, u-Ana, ²¹uDishoni, u-Ezeri, noDishani—izinduna zamaHori, amadodana kaSeyiri, ezweni lase-Edomi. ²²Amadodana kaLothani kwakunguHori noHemamu, udadewabo kaLothani kwakunguThimna. ²³Nanka amadodana kaShobali: u-Alivani, uManahati, u-Ebali, uShefo, no-Onamu. ²⁴Nanka amadodana kaSibeyoni: u-Aya no-Ana. Lona nguye u-Ana owafumana imithombo eshisayo ehlane esalusa izimbongolo zikayise uSibeyoni. ²⁵Nanka abantwana baka-Ana: uDishoni, no-Oholibama indodakazi ka-Ana. ²⁶Nanka amadodana kaDishoni: uHemdani, u-Eshbani, u-Ithrani, noKherani. ²⁷Nanka amadodana ka-Ezeri: uBilihani, uZahavani, no-Akani. ²⁸Nanka amadodana kaDishani: u-Uzi no-Arani. ²⁹Lezi izinduna zamaHori: induna uLothani, induna uShobali, induna uSibeyoni, induna u-Ana, ³⁰induna uDishoni, induna u-Ezeri, induna uDishani—izinduna zamaHori, ngezizwe zazo, ezweni laseSeyiri.

Amakhosi Angaphambi Kwamakhosi akwa-Israyeli

³¹Lawa amakhosi abusa ezweni lase-Edomi ngaphambi kokuba kubuse inkosi phezu kwama-Israyeli: ³²UBhela indodana kaBeyori wabusa e-Edomi, igama lomuzi wakhe kwakunguDinihaba. ³³Lapho uBhela efa, kwabusa esikhundleni sakhe uJobabi indodana kaZera owayevela eBhozra. ³⁴Lapho uJobabi efa, kwabusa esikhundleni sakhe uHushamu ovela ezweni lamaThemani. ³⁵UHushamu wafa; kwabusa esikhundleni sakhe uHadadi indodana kaBedadi, owanqoba uMidiyani endaweni yakwaMowabi. Umuzi wakhe wawuthiwa i-Avithi. ³⁶Lapho uHadadi efa, kwabusa esikhundleni sakhe uSamla ovela eMasreka. ³⁷Lapho uSamla efa, kwabusa esikhundleni sakhe uShawuli ovela eRehoboti engasemfuleni iYufrathe. ³⁸Lapho uShawuli efa, kwabusa esikhundleni sakhe uBhali-hanani indodana ka-Akhibori. ³⁹Lapho uBhali-hanani indodana ka-Akhibori efa, kwabusa esikhundleni sakhe uHadari; igama lomuzi wakhe kwakuyiPawu, igama lomkakhe kwakunguMehethabeli, indodakazi kaMathredi, indodakazi kaMezahabi.

⁴⁰Lawa amagama ezinduna zika-Esawu, ngezizwe zazo nangezindawo zazo, ngamagama azo: induna uThimna, induna u-Aliva, induna uJetheti. ⁴¹induna u-Oholibama, induna u-Ela, induna uPinoni, ⁴²induna uKenazi, induna uThemani, induna uMibizari, ⁴³induna uMagidiyeli, nenduna u-Iramu. Lezi izinduna zase-Edomi, ngokwezindawo zazo zokuhlala ezweni elaliyifa labo. U-Esawu wayenguyise wama-Edomi.