Genesis 36

36 ¹Na dis be di family record of Esau (dat is, Edom). ²Esau take im wives from di daughters of Canaan: Adah, di pikin of Elon di Hittite man, and Oholibamah, di pikin of Anah, wey be di pikin of Zibeon di Hivite man, ³and Basemath, di pikin of Ishmael, wey be Nebaioth im sister. ⁴Adah born Eliphaz for Esau, and Basemath born Reuel, ⁵Oholibamah born Jeush, Jalam, and Korah—dis na Esau im sons wey dem born for am for di land of Canaan. ⁶Esau take im wives, im sons, im daughters, everybody for im house, im animals wey dem dey rear, all im other animals, and all di property wey e don gada for Canaan, and e move go one land wey far from im broda Jacob. ⁷Di things wey dem get too plenty make dem no fit stay togeda; di land wey dem dey no fit carry di two of dem because of di animals wey dem get. ⁸So Esau settle for di hill country of Seir. (Esau na Edom.)

⁹Dis na di records of Esau, wey be papa of di Edomite people, for di hill country of Seir. ¹⁰Dis na di names of Esau im sons: Eliphaz, di pikin of Adah, Esau im wife; Reuel, di pikin of Basemath, Esau im wife. ¹¹Eliphaz im sons na Teman, Omar, Zepho, Gatam, and Kenaz. ¹²Timna, wey be concubine of Esau im son Eliphaz, born Amalek for am. Dis na di sons of Esau im wife Adah. ¹³Dis na Reuel im sons: Nahath, Zerah, Shammah, Mizzah. Dis na di sons of Esau im wife Basemath. ¹⁴Dis na di sons of Esau im wife Oholibamah, di pikin of Anah, wey be di pikin of Zibeon: she born Jeush, Jalam, and Korah for Esau.

¹⁵Dis na di chiefs among Esau im sons. Di sons of Eliphaz, Esau im firstborn: chief Teman, chief Omar, chief Zepho, chief Kenaz. ¹⁶Chief Korah, chief Gatam, chief Amalek—dis na Eliphaz im chiefs for di land of Edom; dis na Adah im sons. ¹⁷Dis na di sons of Reuel, Esau im son: chief Nahath, chief Zerah, chief Shammah, chief Mizzah. Dis na Reuel im chiefs for di land of Edom. Dis na di sons of Basemath, Esau im wife. ¹⁸Di sons of Esau im wife Oholibamah: chief Jeush, chief Jalam, chief Korah. Dis na di chiefs of Esau im wife Oholibamah, di pikin of Anah. ¹⁹Dis na di sons of Esau (dat is, Edom), and dis na dia chiefs.

²⁰Dis na di sons of Seir di Horite man, wey bin dey live for di land: Lotan, Shobal, Zibeon, Anah, ²¹Dishon, Ezer, and Dishan—dem na chiefs of di Horite people, sons of Seir, for Edom land. ²²Lotan im sons na Hori and Hemam, and Lotan im sister na Timna. ²³Dis na Shobal im sons: Alvan, Manahath, Ebal, Shepho, and Onam. ²⁴Dis na Zibeon im sons: Aiah and Anah. Na dis Anah be di one wey find hot spring water for di wilderness while e dey mind im papa Zibeon im donkeys. ²⁵Dis na Anah im children: Dishon, and Oholibamah, di pikin of Anah. ²⁶Dis na Dishon im sons: Hemdan, Eshban, Ithran, and Cheran. ²⁷Dis na Ezer im sons: Bilhan, Zaavan, and Akan. ²⁸Dis na Dishan im sons: Uz and Aran. ²⁹Dis na di chiefs of di Horite people: chief Lotan, chief Shobal, chief Zibeon, chief Anah, ³⁰chief Dishon, chief Ezer, chief Dishan—dem na chiefs of di Horite people, clan by clan, for di land of Seir.

Kings Wey Rule Before Israel Own Kings

³¹Dis na di kings wey rule for di land of Edom before any king rule ova di Israel people: ³²Bela, di pikin of Beor, rule for Edom, and im city name na Dinhabah. ³³Wen Bela die, Jobab, di pikin of Zerah from Bozrah, rule for im place. ³⁴Wen Jobab die, Husham from di land of di Teman people rule for im place. ³⁵Husham die; Hadad, di pikin of Bedad, wey beat Midian for di territory of Moab, rule for im place. Dem call im city Avith. ³⁶Wen Hadad die, Samlah from Masrekah rule for im place. ³⁷Wen Samlah die, Shaul from Rehoboth wey dey for di Euphrates river rule for im place. ³⁸Wen Shaul die, Baal-hanan, di pikin of Achbor, rule for im place. ³⁹Wen Baal-hanan, di pikin of Achbor, die, Hadar rule for im place; im city name na Pau, and im wife name na Mehetabel, di pikin of Matred, wey be di pikin of Mezahab.

⁴⁰Dis na Esau im chiefs, by clan, by place, by name: chief Timna, chief Alvah, chief Jetheth. ⁴¹Chief Oholibamah, chief Elah, chief Pinon, ⁴²chief Kenaz, chief Teman, chief Mibzar, ⁴³chief Magdiel, and chief Iram. Dis na Edom im chiefs, according to di places wey dem settle for di land wey dem hold. Esau na papa of di Edomite people.