Owaach Kwandanyo, Okweek Ng'wony Komugul
Ne po kandoindetap tyendo. Tyeni. Salmit.
Kiguure ng'wony komugul kogeer kiit agenge ne kiyai Kwandanyo: ne kiwel nyanjet koek emet ne yaamaat. Yeityo koweek kutit koek kaboorunet ne po chiito — kiityemech ak kitiliilech ko uu sendeiyot, kilaany piik parak eng' metowekyok, ak kiibunech olooto ne po rurateet.
66 1Owaach eng' poiboiyet Kwandanyo, okweek ng'wony komugul! 2Otyenji toroornatetap kainennyi; oyai kalasunennyi koek ne po toroornatet. 3Omwachi Kwandanyo, “Kiywei poisyoniguk miising'! Eng' kimnateeng'ung' ne oo ko tononso puuniguk eng' taing'ung' eng' komuok. 4Konyiti inyee ng'wony komugul ak kotyenji inyee kalasunet; kotyenji kaineng'ung' kalasunoik.”
5Obwa ak ogeer poisyonigap Kwandanyo, ne kiywei eng' poisyonikyik agobo piik tugul. 6Ki wel nyanjet koek emet ne yaamaat; ki landa aineet eng' keelyek. Eng' yooto kiboiboitu echeek eng' ineendet. 7Pou eng' kimnateennyi koigeny; riibei konyekyik pororyosyek— amotoroorkei che ngelelyo.
8Olasu Kwandanyo, okweek piik tugul; ingogasaksei cheetap kalasunennyi, 9ne kagoriibech kwenutap che sabei ak ma kagochabaita keelyekyok. 10Amu inyee, Kwandanyo, kaityemech; kagitiliilech ko uu ye kitiliili sendeiyot. 11Ki igoonech eng' regereiywot; ki igoonech lautik che pichiien eng' patai. 12Ki igoochi piik kolaany parak eng' metowekyok; ki kibwanunde maat ak beek, ago kagiibunech olooto ne po rurateet. a a v12 Ng'olyoonooto “kolaany parak eng' metewegyok” ko ng'olaalda ne po keny ne mwaei kole kinderoorto chiito komugul ak kewigisto.
13Anyonuni kaing'ung' kobooto kagoochinoik che ibeelei; agoitoiwuni kaarortaosyekyuk, 14kaarortaosyek che ki mwa kutinnyu ak ki aror kutinnyu ye ki ami nyalilda. 15Agoitoiwuni kagoochinoik che ibeelei che po tyong'ik che neraat, kobooto iyetap mengichik che kaeng'ji; agoitoi kiruugik ak ng'oroorek.
16Obwa ak ogas, okweek tugul che ywechin Kwandanyo, ak amwaiwok kiy ne kagoyaiywo saboondanyu. 17Ki ariirchi ineendet eng' kutinnyu, ak ki mi kalasunet ne oo ng'elyeptanyu. 18Ngot ko kachame tengekto eng' muguleldanyu, ko ma ki kas Kwanda. 19Ago iman, kagas Kwandanyo; kagas saaennyu. 20Ingolasakse Kwandanyo, ne ma kaeesyo saaennyu anan koisto rireenennyi eng' anee!