Mi eng' bukuit

Jeremiah 17 FHB Father's Heart Bible™

Kiistoi 15% eng' kiy ne iale korook →
Bukuit

Tengek ne Kigisir eng' Muguleldap Judah

Kisir tengektap Judah eng' mugulelwekwak ko uu ng'ookset eng' koito. Tebee saboonisyek aeng' kotokyigei: ne iiti kimnateetap chii, ne yaam ko uu keetit ne po surkwen, ak ne iyani Kwandanyi, ne tuonen agot eng' robon. Soomei Jeremiah konyaa, yeityo koriichi agobo Sabato.

Ng'alaali Kwandanyo eng' mustarisyek 2–11, 19–27

Sura 17.

Kisir tengektap Judah ak kalamutap iron, kisir ak kutit ne po diamond ne nyigiis eng' taabeetap muguleldanywa ak eng' tunikap kapkorosusyekwak,

“Ye ipwaten lagokwak kapkorosusyekwak ak Aserikwak eng' ole neegitee keetiik che tuonen eng' legemosyek che kooen. a a v2 Aserik ko ki tuguuk che kigolat che po keetit che kiteech si kiootetei Asera, kamuktaindetap chepyoso ne po Kanaanik ne po omnateet. Tulwennyu ne mi osnet, mogornateet ak konoraik tugul, agoite koek omaneet, komosweguk che torooreen kora, amu tengek ne mi emeng'ung' komugul. Eng' eung'ung' inyeegei, ibeeti oosotiiweet ne kigoonin, ak awechin iboisyee puuniguk eng' emet ne ma ing'en, amu kiiginde maat eng' angennyu ne lalei agoi koigeny.

Mwaei Kwandanyo kole: Kiwirwirya chiito ne iyani piik kityo, ne iitoe eng' kimnateetap piik, ak ne week muguleldanyi komong' eng' anee. Koek ko uu keetit ne mi surkwen ne ma nyoor mororochik agot ye konyo komyee, ne menye komoswek che yaam che po surkwen, eng' emet ne po muunyuk ole ma menye chii. Ago paibai chiito ne iyani anee, ne mi mang'unetennyi anee. Koek ko uu keetit ne kikool eng' ole mi peek, ne landoi tegeekyik eng' ole mi aineet. Ma oiywei ye konyo lalet; tebee sogekyik tuonen. Ma riirei eng' kenyiitap melelda ak ma pegu koyae logoek. Muguleldo ko ng'wondotin kosiir tuguuk tugul, ak ma nyoor sobeet—ng'oo ne imuuchi konai? Anee, Kwandang'wong', acheeng'ei muguleldo ak atemei kabwaatutik, si awechini chiito age tugul ko uu oosyekyik, ko uu ye nyolu youtikyik. Ko uu partoi ne syebei koik che ma koyoe ko chiito ne nyoor mogornatosyek eng' ooreet ne ma imanda. Eng' kwenutap sabeennyi, koistoe ineendet mogornatosyek, ak eng' letuut koek abusanani.”

Ng'echereet ne po liilindap, ne kitororit eng' taunet, ko komostap ole tiliil nenyo. Kwandanyo, genorutap Israel, lilan tugul che pagaaktoin. Che week komong' eng' inyee, kisirei icheek eng' ng'ung'unyek, amu kagobagaakta Kwandanyo, aineetap peek che sobei.

Isooba, Kwandanyu, asi asoobi; isaru, ak kisaru anee, amu inyee ne po kalasunennyu. Keero, tee leenji anee, “Mi ano ng'olyootap Kamuktaindet? Ingonyo nguno!” Ago ma kaachoorakei anee eng' koek riibindet ne asubun inyee, ak ma kamachei peetuutap kiiset. Ing'en inyee kiy ne ki mang'une kutinnyu; ki yaataat eng' taing'ung'. Amekoek arageneet eng' anee; amu inyee ne po yetunennyu eng' peetuutap ng'emisyet. Ingolilan usiikyuk, ago mat anee; ingermenotin icheek, ago mat anee. Inyonjin icheek peetuutap ng'emisyet; iwong'u icheek ak ng'emisyet ne po aeng'.

Kuurei Kwanda Imanet eng' Sabato

Ng'olyoot ne ki leenjo Kwandanyo: Wendi itebee eng' kurgeetap piik, ole chut ak komanda laitorinigap Judah, ak eng' kurgosyegap Jerusalem tugul,

ak imwachi icheek: Ogas ng'olyootap Kwandanyo, laitorinigap Judah, ak Judah tugul, ak age tugul ne menye Jerusalem ne chut kurgosyekani. Ko ni ne mwaei Kwandanyo: Oriip saboondang'wong'—amoip laiset eng' Sabato, anan oip age eng' kurgeetap Jerusalem. Amoip laiset komong' kortinwegwok eng' Sabato, anan oyai poisyet age tugul, ak otiliil Sabato, ko uu ye ki ang'at kwandoikwok. Ago ma kigas icheek anan koitchi kutik; ki iuit kaatwekwak, koeesyo kogas anan konam katigonet. Ago ngo ogas anee iman, kole Kwandanyo, ak ma oip laiset eng' kurgeetap nganaseetani eng' Sabato, ak otiliil Sabato, amoyai poisyet age tugul eng' ineendet, ko tuun chut kurgeetap nganaseetani laitorinik ak kondoinik che tebee ng'echereetap Daudi, kibunei charu ak farasiek—icheek, kandoikwak, murenigap Judah, ak piik che kimenye Jerusalem—ak kong'emak nganaseetani agoi koigeny. Kinyo piik komong' nganasoogap Judah, ak komoswegap Jerusalem, ak emetap Benjamin, ak warenget, ak tuloonook, ak murot tai, kiibu kagoochinoik che ibeelei, ak tiseiywek, ak kagoochinoik che po ng'oot, ak ubani, ak tiseiywegap kongoi, koba kootap Kwandanyo. Ago ngo ma ogas anee—otiliil Sabato, amoip laiset eng' kurgeetap Jerusalem eng' Sabato—akinde anee maat eng' kurgotikyik ne ma kemuuch keibes, kobeel kooriigap Jerusalem.