یهودانین اوره‌یئنه اویولان گوناه
یهودانین گوناهی داش اوستونده اویما کئمی اونلارین اورَکلرئنه اویولوب. ائکی حیات یان-یانا دورور: بئری ائنسان گوجونه آرخالانیر، صحرانین بوتاسی کئمی قورو؛ او بئری آتاسینا توکّول ادر، قوراقلیق ائچئنده یاشیل. اِرِمیا شفا دیله‌یئر، سونرا سبت حاقّیندا خبردارلیق ادر.
17 1یهودانین گوناهی دمئر قلمله اویولوب، الماس اوجو ائله اورَکلرئنئن لؤوحه‌سئنه و قوربانگاهلارینین بوینوزلارینا یازیلیب،
2«اونلارین اؤولادلاری بول یارپاقلی آغاجلارین یانیندا، اوجا تپه‌لر اوستونده اولان قوربانگاهلارینی و اَشِرا بوتلرئنی یاد ادرلر. a a v2 اَشِرا بوتلری، کَنَعانلی‌لارین برکت ائلاهه‌سی اَشِرایا پرستئش اوچون قویولان اویما آغاج اشیالاری ائدی. 3چؤلده اولان داغیم، سنئن وار-دؤولَتئن و بوتون خزئنه‌لرئنی تالان اوچون تسلئم اده‌جیم، سنئن پرستئشگاهلارینی دا، بوتون اراضئنده اولان گوناها گؤره. 4اؤز اَلئنله سنه وردئیئم مئراثی ائتئره‌جکسن و من سنی تانیمادیغین بئر تورپاقدا دوشمنلرئنه قوللوق اتدئره‌جیم، چونکی قضبئمده ابده‌جک یاناجاق بئر اود آلوولاندیریبسان.
5آتامیز بله بویورور: لعنته گلسئن او آدام کی، ساده بئر ائنسانا توکّول ادر، ائنسان گوجونه آرخالانار و اوره‌یی مندن دؤنَر. 6او، چؤلده اولان بئر بوتا کئمی اولاجاق کی، یاخشیلیق گلنده بئله اونو هچ گؤرمَز؛ صحرانین قوورولموش یرلرئنده، هچ کئم یاشامایان دوزلو بئر تورپاقدا ساکئن اولار. 7آمّا خوش او آدامین حالینا کی، منه توکّول ادر، اعتمادی منده‌دئر. 8او، سو کناریندا اَکئلمئش بئر آغاج کئمی اولاجاق کی، کؤکلرئنی چایا طرف اوزادار. ائستی گلنده قورخماز؛ یارپاقلاری یاشیل قالار. قوراقلیق ائلئنده نئگاران اولماز و بار ورمکدن هچ دایانماز. 9اورَک هر شیدن داها حیله‌گردئر و علاج اولونماز — کئم اونو آنلایا بئلر؟ 10من، آتانیز، اوره‌یی آختاریرام و ذئهنی ائمتاحان ادرم کی، هر کسه یوللارینا گؤره، عمل‌لرئنئن لایئق اولدوغونا گؤره عوضئنی ورم. 11قویمادیغی یومورتالارین اوستونده اوتوران کَکلئک کئمی‌دئر او آدام کی، ناحاق یولدان ثروت قازانار؛ عؤمرونون اورتاسیندا ثروت اونو ترک اده‌جک و آخیردا آخماق اولدوغو مألوم اولاجاق.»
12باشلانیشدان اوجالدیلمیش شؤوکتلی بئر تخت، موقدّسگاهیمیزین یری‌دئر. 13ای آتا، ای ائسرایئلئن اومئدی، سنی ترک ادنلرئن هامیسی اوتاناجاق. سندن دؤننلر توزدا یازیلاجاق، چونکی اونلار دئری سویون چشمه‌سی اولان آتامیزی ترک اتدئلر.
14ای آتا، منه شفا ور، شفا تاپیم؛ منی قورتار، قورتولوم، چونکی حمد اتدئیئم سنسن. 15باخ، اونلار دایانمادان منه دئیَرلر: «تارینین سؤزو هارادادیر؟ قوی ائندی گلسئن!» 16آمّا من، سنئن خئدمتئنده چوبانلیقدان قاچمامیشام؛ یأس گونونو ده آرزولامامیشام. دوداقلاریمدان چیخانی سن بئلئرسن، او، سنئن قاباغیندا آچیق ائدی. 17منه بئر دهشت اولما؛ فلاکت گونونده پناهیم سنسن. 18قوی منه عذاب ورنلر اوتانسین، آمّا من یوخ؛ قوی اونلار سینسین، آمّا من یوخ. فلاکت گونونو اونلارین اوستونه گتئر؛ اونلاری ائکی قات هلاکتله پارچالا.
آتا سَبّت گونونه وفاداریغا چاغیریر
19آتامیز منه بله بویوردو: گت، یهودا پادشاهلارینین گئرئب-چیخدیغی خالق قاپیسیندا و اورشلئمئن بوتون قاپیلاریندا دور،
20و اونلارا دِه: ای یهودا پادشاهلاری، ای بوتون یهودا و بو قاپیلاردان گئرن اورشلئملی‌لرئن هامیسی، آتامیزین سؤزونو اشئدئن. 21آتامیز بله بویورور: جانلارینیزی قورویون — سَبّت گونو یوک داشیمایین و اورشلئمئن دروازالاریندان ائچه‌ری یوک گتئرمه‌یئن. 22سَبّت گونو اِولرئنئزدن یوک داشیمایین و هچ بئر ائش گؤرمه‌یئن، آمّا سَبّت گونونو موقدّس توتون، نجه کی اجدادلارینیزا امر اتدئم. 23اونلار قولاق آسمادیلار و اعتئنا اتمه‌دئلر؛ بویونلارینی عئنادکار اتدئلر، اشئتمک و تأدئب قبول اتمک ائستمه‌دئلر. 24آمّا اگر دوغرودان منه قولاق آساسینیز — آتامیز بویورور — و سَبّت گونو بو شهرئن دروازالاریندان یوک گتئرمیه‌سئنئز، آنجاق سَبّت گونونو موقدّس توتوب، اوندا هچ بئر ائش گؤرمیه‌سئنئز، 25اوندا داوودون تختئنده اوتوران پادشاهلار و باشچیلار بو شهرئن دروازالاریندان گئره‌جکلر، عارابالارا و آتلارا مئنئب — اؤزلری، اعیانلاری، یهودا آداملاری و اورشلئمئن ساکئنلری — و بو شهرده ابده‌جک آداملار یاشایاجاق. 26یهودانین شهرلرئندن، اورشلئمئن اطرافیندان، بِنیامئن تورپاغیندان، هامار بؤلگه‌دن، تپه‌لردن و نِگِبدن آداملار گله‌جکلر، یاندیرما قوربانلاری، قوربانلار، تاخیل تقدئملری، بوخور و تشکّور قوربانلاری آتامیزین اِوئنه گتئره‌جکلر. 27آمّا اگر منه قولاق آسمایاسینیز — سَبّت گونونو موقدّس توتوب، سَبّت گونو اورشلئمئن دروازالاریندان یوک داشیمایاسینیز — اونون دروازالاریندا سؤندورولمَیَن بئر اود یاندیراجاغام کی، اورشلئمئن سارایلارینی اوداجاق.
