Jonah thürhü keta khaküsü
Sadzühküsemi mipü Israel kesumiko ce dzü po keto ha Po beo celü thürhü keva, jükeneba kümüre mehü khri, mu—ulüsühsayi—ha Po ngokemezheo pü kemeko züde kümüre thito seyo.
Ha Po verse hilü po ba 2
1 1Süsa ha Po jü Amittai nuo Jonah ce vorita:
2“Rekri die, Nineveh rüna kezholü vote, mo süo kekha se shüte, kekrelamori uko kesu a mhüjülü rha ketako.”
3Vele Jonah ha Po presalüno Tarshish lü thürhü keva. Pü Joppalü ta, Tarshish lü voto kezü ru ngoyi, pü süo presa shutsü die, mo uko zü Tarshish lü voto rulü lüyi, ha Po presalüno.
4Süsa ha Po jükezholü tükhra kezho süva; tükhra kümüre thi süri, mo ruo pro keyi bi tata. 5Ru kethomiko müprüh shuta, metü u rüo ce krata. Uko ru mhako jükezholü süva, ru kegüdüva ketola. Vele Jonah ru melü sülü ta, sülü pü züh kezü bata. 6Ru kezhoo püvori die poti, “No dipühna zü kezü bata? Rekri die, n rüo ce se shüte! Mhace pü hako ngode to, mo ha rüta ho.”
7Thümako huhu yisü, “Voho, uko lotsü thiyite, ha kelü mha thikümüsü hio sopü kelü vori la seyi tila.” Uko lotsü thi, mo süo Jonah lü khiyita. 8Uko püce poti, “Hako ce seyite—ha kelü mha thikümüsü hio küvorio no—no dipü mhatho yola? No sopüno kevori la? N rüna dibi tazo? No somi la?”
9Pü lasü poti, “I Hebrewmi zo, mo I jükezho mo cejü keso thikesüo, tüyo ha Po ri mpe yo.”
10Süsa thümako müprüh shuta die poti, “No dipü mha thi va la?” Kekrelamori pü uko ce po ketala, uko pü ha Po presalüno thürhü keba seba ketala.
11Süsa uko püce poti, “Ha kelü jükezho kemekre süyi tila, hako no ce dipü mhatho tola?”—kekrelamori jükezho tükhra kehü ketsapü thi vota.
12Pü uko ce poti, “I müsü süde, jükezholü i süte, mo süo neko kelü kemekre züto. I seyo, hio tükhra kezho akelamori neko lü vorita.”
13Vele thümako cejü kesolü prayi tila ru ketho thita, vele ho mota, kekrelamori jükezho uko kekha tükhra kehü ketsapü thi vota. 14Süla uko ha Po ce se shüde poti, “Jihova, ha kelü hio thüma mhanyo kuyi la ha süyi tahite. Mesazo thüza la ha jo tahite, kekrelamori no n nüthi küve bi mhatho ketao.” 15Süsa uko Jonah müsü süde, jükezholü pü süva, mo jükezho tükhra kehü ketsapü lazü, kemekre züta. 16Süsa thümako ha Po ri kehüla mpeta, ha Po ce kereshü thipü reshüta, mo kachiko thita.
17Süsa ha Po khu kezho müka kütao, Jonah mehü yi tila; mo Jonah khu kezhoo vadelü tüsozho süh mo tüzühzho süh bata.
