Hiak swak thang rwe
Chongdip

Kapangnu om Bakhangnu

Laa tonu bapuba lang. David om.

Rikrwang maake diga kapangnu om rinnu ga baom chwan bina muwe, chong khwan bina make. Ani Pa na bakaba theinu khatle Bating zongnu tudannu amgabo diga misa brumza ding phaang suwe, atiyeda pakhatcha hakna mu make. Bami nun ding sanu mi nun ga kachi takka sip rwe; kalum laa ga Zion bina ringriak hungnu ding taraanga bakaan tangne.

Bung 14.

Kapangnu na basung bi rinne, “Rikrwang maake.” Bani tanaat rwe, bani om chwan bing ga kasianu gaye; kasanu chwan tonu pakhatcha hakna maake.

Ani Pa na, bakaba theinu khatle Bating zongnu tudannu amgabo diga mu lang, tambaan lana misa sa rwan ding phaang suwe. Bani bing ga lampui semaan thou drwe; karungluga bani ga tanaat drwe; kasanu tonu mi pakhatcha hakna maake, maake, khatcha hakna maake.

Ami nun ding uilu sanu danga sa satnu khatle ani Pa ding tangkhatchale kou maknu, hei kasia tonu mi bing ga pa-aam aam ngaakle thei makpo? Habei ga bani kachi takka sip rwe, balangbe ani Pa ga ririak senu nun om mikin le ong nge. Nani kasia tonu nunna lungsianu om baningnu ding pi bathaang maak lang nwam nge, atiyeda ani Pa ga baom bachun gaye.

O, Israel om ringriak ga Zion bina hung ding ngo! Ani Pa na Bami nun ding pi hanchin thang nung, Jacob karo ding ngo, Israel sung le ding ngo.