Murkho laga Mana Kora
Gana cholawta nimite. Daud laga gana.
Murkho laga kotha, Isor nai, etu ke kitab laga kotha nohoi kintu jibon laga kotha nisina dikhe. Amikhan laga Pitri sob manuh jati te kunbi bujhi thaka manuh ase naki bisare aru kunbi ke napai. Tai laga manuh khan ke khai thaka manuh khan ke hothat dor dhorai; bhajan tu Zion pora poritran laga asha kori kene shesh hoi.
14 1Murkho pora tar mon bhitor te koi ase, “Isor nai.” Tarkhan biya hoi jaise, tarkhan laga kaam khan ghina ase; bhal kora kun bhi nai.
2amar Pitri sorgo pora manuh laga bacha khan ke niche saise, bujhi bo para kun ase, Tar ke bisara kun ase na nai sabole. 3Tarkhan sob ghuri jaise; sob mili kene biya hoi jaise; bhal kora kun bhi nai, ekjon bhi nai.
4Roti kha nisena moi laga manuh khan ke khai diya, aru kitia bhi amar Pitri ke namata, biya kaam kora eitu khan sob pora, eku bhi najane na? 5Ta te tarkhan bisi bhoi pora bhorta hoi jaise, kilemane amar Pitri dharmik manuh khan laga bongso logot te ase. 6Tumikhan biya kaam kora khan pora dukhiya manuh laga bhabona khan ke nokto koribo mon kore, kintu amar Pitri tar laga asroi ase.
7Hai, Israel laga mukti Zion pora ulai ahhile kiman bhal hobo! Jitia amar Pitri pora Tar laga manuh khan laga obostha wapas thik koribo, Jacob khushi koribi, Israel anond koribi.