Di Foolish Person Wey Deny
For di director of music. Na David own.
14 1 Di foolish person dey talk for im heart say, "God no dey." Dem don spoil, di tins wey dem dey do na bad-bad tin; nobody dey wey dey do good.
2 Our Papa dey look down from heaven give di pikin dem of man, to see if any dey wey get sense, wey dey find am. 3 Dem all don turn comot; togeda dem all don spoil; nobody dey wey dey do good, no even one.
4 Dem no sabi anytin at all, all dis wicked people wey dey chop my people like say dem dey chop bread, and wey no dey call our Papa at all? 5 Na dia dem dey, fear catch dem well-well, because our Papa dey wit di generation of di correct-and-holy people. 6 Una wicked people wan spoil di plan of di poor person, but our Papa na im hiding place.
7 Ah, make di salvation of Israel comot from Zion! Wen our Papa bring back di better tin for im people, make Jacob dey rejoice, make Israel dey glad.
