د بېوقوف اِنکار
د موسيقۍ د مشر دپاره. د داؤد.
د احمق دا ادعا چې خدای نشته، عملي ګڼل کېږي، نه نظري. زموږ پلار ټول انسانیت لټوي چې څوک پوه شته، او هېڅوک نه مومي. هغه څوک چې د هغه خلک خوري، ناڅاپي وېره ورباندې راځي؛ زبور له صیون څخه د نجات په ارمان پای ته رسېږي.
14 1بېوقوف په خپل زړۀ کښې وائى چې، ”خُدائ پاک نشته.“ هغوئ خراب شوى دى، د هغوئ کارونه ناپاک دى؛ هيڅوک نشته چې نيک کار کوى.
2زمونږ پلار د آسمان نه د بنى آدمو په اولاد باندې ګورى، دې دپاره چې ووينى چې آيا څوک شته چې پوهېږى، او هغه لټوى. 3هغوئ ټول اوړېدلى دى؛ ټول په ګډه خراب شوى دى؛ هيڅوک نشته چې نيک کار کوى، حتى يو تن هم نشته.
4آيا دا ټول بدکاران په هيڅ نۀ پوهېږى، هغوئ چې زما قوم داسې خورى لکه څنګه چې ډوډۍ خورى، او هيڅکله زمونږ پلار ته سوال نۀ کوى؟ 5هلته هغوئ په ويره کښې ډوب شوى دى، ځکه چې زمونږ پلار د صادقانو د نسل سره دے. 6اے بدکارانو، تاسو د غريب تدبيرونه خرابول غواړئ، خو زمونږ پلار د هغۀ پناه ګاه دے.
7کاشکې د اِسرائيل خلاصون د صيون نه راووځى! کله چې زمونږ پلار د خپل قوم حالت بحال کړى، نو دې يعقوب خوشحالى وکړى، او دې اِسرائيل خوشحاله شى.
