Ngoubüloubüeibü Athelet
Chia leibou shanga. Dawideibü chia.
Mühghaü aying dogo ngoubü mütei laubü kho, ngüh ong aying, kümsilei shangabü ki. Seneibü Bouei ditenbou at kila müt shousi shuong pendou louyenda, lausikei che ong ahapda. Haoeibü mütli to shaubü shuong to mangde maangmaubü lotda; mang kho Zion ka longbü khümenbü ngühyobü ka khümkuda.
14 1Ngoubüloubü mütei maangpona lauda, “Mühghaü aying.” Haoen asaopoko ki, haoeneibü kümsilei mangsenlabü ki; maibü kümbou aki.
2Seneibü Bouei khuthük ka louyenan chühda, müt shousi shuong to, ditenbou at kiasaoje, hao lambou at kiasaoje. 3Haoen pendou sepeinyu ngaikei; jema asaopoko yeikei; maibü kümbou aki, che ongkei aki.
4Kü mütli to wentek shaubü tegü suibü habü amaibü shuong pendouei aikei angekei lo, hoba haoenei seneibü Bou to ladangkei angek? 5Khonei haoen to aeibou hatbü lotkei, aishanga seneibü Bou saopobü meten yoa kia. 6Kan amaibü shuongei shalebü tükde shemtida, lausikei seneibü Bou kho haoeibü lapheishon ki.
7O, Israel khümenbü kho Zion ka longtila yingma! Ladang seneibü Bouei jembü mütli thu kümetkulaje, Jakob olinashi, Israel maang haishi.
