Hao thedanga ao kilabü?
Dawideibü chia.
Saopobü neichem noukhüna phekbü ngüh che—seneibü Boueibü saopobü shongha ao langkei kilabü—ladangkei kümbü kümsileiei jongaibü: ngühmai lenbü, pintiaatibü aki, lepbou la amaibü aki, longsibü chalou ong theyolanyobü jungeibü, besa akibü. Habü tegü müt kho ladangkei ashaknyinlabü.
15 1Abou, kaibü neichema ao kilabü? Kaibü saopobü shongha ao langkei kilabü? 2Ao maangpon tangbüei paida hoba ai tükde ki kho kümda, aoei haoeibü maangpona ngühmai lauda. 3Haoei haoeibü tongdei pintiaatibü ngüh ajungeida, haoeibü lepbou la amaibü akümda, hoba haoeibü thangbou khulimbo amaibü alauda. 4Haoei mangsenlabü müt to aweasüngko yeida, lausikei seneibü Bou to hatbü shuong to soumo hatda; haoei haoeibü theyolanyobü to hao lolo la amaibü longsikei jungeida, hoba asepeida. 5Haoei haoeibü nam phopnam leko alotkuda, hoba shedbü akibü müt khulimbo besa aleda. Aoyouei khübü kümlaje, hao ladangkei ashaknyinlabü.
