詩篇 15

15 ¹ 天父啊,邊個可以住喺你嘅帳幕呢? 邊個可以住喺你嘅聖山呢? ² 就係為人正直 行公義,由心裏面講真話嘅人。 ³ 佢唔會用舌頭講人壞話, 唔會傷害鄰舍, 亦都唔會毀謗朋友。 ⁴ 佢鄙視卑劣 嘅人,但係尊敬敬畏我哋嘅父嘅人;佢就算要付上代價都會守住自己嘅誓言,絕唔反悔。 ⁵ 佢唔會借錢收利息, 亦都唔會收賄賂去陷害無辜嘅人。 凡係咁樣做嘅人 永遠都唔會動搖。