Pa Tsüngdang Nung Shir Alitsü?
Dawid ken.
Temeshi süki kishi nung ayimtenba ka—asen Tebu temeshi tenem nung shiba lidaktsü ta—atentena shisatsü agi telangzü: shitakba o, tiyazü o maprokshitet, kiyonger nem tamajung meinyak, langka azüngashiba tetemlok kümdir jong meraksa, aser süpokrem magir. Yamaji nisung kodanga manokshidaktsü.
15 1Oba, ne süki nung shiba alitsü? Ne temeshi tenem nung shiba alitsü? 2Shiba tindang agi jajar, aser kechi shitak inyaker, pei mulung nungi ochi jembiba. 3Pai pei tonga agi tiyazü o meprokshir, pei kiyonger nem tamajung meinyak, aser pei tembar indang tamajung o mejembir. 4Pai tesempatsü nisung mezüngmeshir, saka asen Tebu tsübubatem dang akhüm tsübur; pei azüngashiba pa dak tamajung arudaktsübasa benshir, aser tanaben maneni. 5Pai pei sen tetemlok agi maputsü, aser tai makaba anema süpokrem magir. Shibai item inyaker, pai kodanga manokshidaktsü.