Zaburi 15

15 ¹ Baba, ni nani atakayekaa katika hema yako? Ni nani atakayeishi katika mlima wako mtakatifu? ² Yeye aendaye kwa ukamilifu na kutenda haki, anenaye kweli kutoka moyoni mwake. ³ Hasingizii kwa ulimi wake, hamtendei jirani yake mabaya, wala hamsengenyi rafiki yake. ⁴ Humdharau mtu mbaya, bali huwaheshimu wamchao Baba yetu; hushika kiapo chake hata kimletee hasara, wala harudi nyuma. ⁵ Hakopeshi fedha yake kwa riba, wala hapokei rushwa juu ya asiye na hatia. Afanyaye mambo haya hataondoshwa milele.