Nani Kafwani Kala Mu Thwala Yandi?
Mukunga wa Tavidi.
Kyuvu kina kisi yuvulwa ha mwelu wa sombolu — nani kafwani zinga ku mongu wa Tata wetu watoma — kivutulwa ni khadidi ya tangwa yosu: kuzonza kyedika, konda kuhuna misamu, konda kuhanga mbi kwena khunda, kulunda ndefi ata yikituka ya phasi, konda kutambula mbongu za mbi. Mutu wa phila yoyo kanikanaku mu kimakulu.
15 1A Tata, nani kafwani zinga mu sombolu dyaku? Nani kafwani zinga ku mongu waku watoma? 2Wuna wisi kangala mu kasemi amana kisi hanga mana mena masonga, wisi zonza kyedika mu mbundu yandi. 3Kisiku kuhuna misamu mu lulaka lwandi, kisiku hanga mbi kwena khunda wandi, amana kisiku zonza mbi kikuma kya nduku wandi. 4Kisi lenza mutu wa mbi, kaasi kisi zitisa bana bisi mona bweya bwa Tata wetu; kisi lunda ndefi yandi ata yimuheka phasi, amana kisiku vutuka ku manima. 5Kisiku lefisa mbongu zandi ndangu kabonga muluta, amana kisiku tambula mbongu ndangu kabwisa mutu wakonda sala mbi. Wuna wisi hanga mambu mama, kanikanaku mu kimakulu.
