Ngengila Meni Mboti-mboti
Mukunga wa wolu wa Tavidi.
Tavidi kayenina yi kima kyambote konda Tata wandi amana wisi menga mu mwanga milambu mya nzambi wahika. Wisi tela misinga mya mbandu yandi tuluu yi kuvwa kwandi kya kitoku, amana wisi kwikila ni kayámbwadilwaku ku kalunga. Nzila ya luzingu yisi suka mu kyesi kya mvula yi mvula.
16 1Ngengila mboti-mboti, A Tata wama, mukuma kiswaminu kyama kyenina mwena ngeyi.
2Yisi zimbwala kwena Tata wama: «Ngeyi wenina Tata wama, Pfumu wama; konda ngeyi, ka kwena kima kya bukheti ku kwena meni.» 3Mu kutala batu batoma bana benina mu tsi, bawu benina batu ba kitoku, mwena bawu yisi mona kyesi kyama kyosu. 4Phasi za bana bisi landa nzambi wahika zakála za lawu; yisiku mwanga milambu mya bawu mya kunwa mya menga, amana yisiku tela khumbu zawu mu malebu mama.
5Tata wama kenina ndambu yama yísola yi mbungu yama; ngeyi wisi simbidila zeki dyama mboti-mboti. 6Misinga mya mbandu myábwila kwena meni mu bifulu bya kitoku; kyedika, yenina yi kimvwama kya kitoku.
7Yikásakumuna Tata wama, wuna wisi mpheka malongi; ata mu phipha, mbundu yama yisi ndonga. 8Yisi sya Tata wama kosu tangwa ku thwala ya meni; mukuma kenina ku kitata kyama, yinikanaku.
9Yihana ni, mbundu yama yenina yi kyesi, amana moya wama wosu wusi sangwala; lutu lwama phi lwakála vunda mboti-mboti. 10Mukuma wayámbwadilaku moya wama mu kalunga, ni wayámbulaku Watoma waku kamona kuvunda. a a v10 Phetelu, mu kilumbu kya Pentekosti (Bisalu 2:25-28), yi Pholu (Bisalu 13:35), básadila ndinga zazi kwena Yesu — kivuvu kya Tavidi mwena Tata wetu kyákhituka lufutumuku lwa Mwana mu lufwa, amana lutu lwandi lwávundaku. 11Ngeyi wisi ntsongila nzila ya luzingu; ku thwala yaku kwenina kuvula kwa kyesi, amana ku kitata kyaku kwenina tsambu za mvula yi mvula.
