መዝሙር 16

16 ¹አባቴ ሆይ፣ በአንተ ተጠግቻለሁና ጠብቀኝ።

²ለአባቴ፣ “አንተ ሉዓላዊ አባቴ ነህ፤ ከአንተ በቀር ምንም መልካም ነገር የለኝም” እላለሁ። ³በምድር ያሉት ቅዱሳን፣ ደስታዬን ሁሉ የማገኝባቸው ክቡራን እነርሱ ናቸው። ⁴ሌላ አምላክ የሚከተሉ ሰዎች ኀዘናቸው ይበዛል፤ የደም ቍርባናቸውን አላፈስም፤ ስማቸውንም በከንፈሬ አላነሣም።

⁵አባቴ የመረጥሁት ዕድል ፈንታዬና ጽዋዬ ነው፤ ዕጣዬን አንተ አጽንተህ ትይዛለህ። ⁶የወሰን መስመሮች በተወደደ ስፍራ ወደቁልኝ፤ በእውነት ያማረ ርስት አለኝ።

⁷የሚመክረኝን አባቴን እባርካለሁ፤ ሌሊትም እንኳ ልቤ ይገሥጸኛል። ⁸አባቴን ዘወትር በፊቴ አኖራለሁ፤ በቀኜ ስላለ አልናወጥም።

⁹ስለዚህ ልቤ ደስ ይለዋል፤ መላ ሰውነቴም ሐሤት ያደርጋል፤ ሥጋዬም ተረጋግቶ ያርፋል። ¹⁰ነፍሴን ለመቃብር አትተዋትምና፤ ቅዱስህም መበስበስን እንዲያይ አትተውም። ^a a v10 ጴጥሮስ በጴንጤቆስጤ (የሐዋርያት ሥራ 2፥25-28) እና ጳውሎስ (የሐዋርያት ሥራ 13፥35) እነዚህን ቃላት በኢየሱስ ላይ አመለከቱ፤ ዳዊት በአባታችን ላይ የነበረው እምነት የወልድ ከሞት መነሣት ሆነ፤ ሥጋውም መበስበስን ከቶ አላየም። ¹¹የሕይወትን መንገድ ታሳየኛለህ፤ በፊትህ ፍጹም ደስታ አለ፤ በቀኝህም ለዘላለም ተድላ አለ።