Keba Munu
Nkunga ya wolo ya Davidi.
Davidi kele na kima mosi ya mbote ve katula Tata ya yandi, mpe ke buya kumwangisa minkayulu ya banzambi ya nkaka. Yandi ke tuba ti bandilu ya yandi me bwa na bisika ya kitoko mpe mvwilu ya yandi kele ya kitoko, mpe ke tula kivuvu ti ba ke yambula yandi ve na dyamu. Nzila ya luzingu ke manisa na kyese ya seko.
16 1Keba munu, Tata ya munu, samu ti mu ke bumbimina na nge.
2Mu ke tuba na Tata ya munu: Nge kele Mfumu, Tata ya munu; katula nge, mu kele ve na kima mosi ya mbote. 3Na yina me tadila bantu ya longo yina kele na yinsi, bawu kele bantu ya lukumu, bayina mu ke zwaka kilengi nyonso ya munu na bawu. 4Bampasi ya bayina ke landaka nzambi ya nkaka ke kuma mingi; mu ke mwangisa ve minkayulu ya bawu ya menga, mpe mu ke kutanguna ve bankumbu ya bawu na bikoba ya munu.
5Tata ya munu kele kikunku ya munu yina mu me soola mpe mbungu ya munu; nge ke kebaka dzeke ya munu na lukengolo ya mbote. 6Bandilu ya munu me bwa na bisika ya kitoko; ya tsyelika, mu kele na mvwilu ya kitoko.
7Mu ke kembila Tata ya munu, yina ke longisaka munu; ata na mpimpa, ntima ya munu ke longaka munu. 8Mu ke tulaka Tata ya munu ntangu nyonso na mantwala ya munu; samu ti yandi kele na lweka ya munu ya lubakala, mu ke ningana ve.
9Ni yawu yina, ntima ya munu kele na kyese, mpe kimuntu ya munu nyonso ke yangalala; nzutu ya munu mpe ke pema na lukengolo ya mbote. 10Samu ti nge ke bika ve mwela ya munu na yinza ya bantu ya kufwa, mpe nge ke bika ve muntu ya nge ya longo kutala kubola. a a v10 Pyele na kilumbu ya Pantekoti (Bisalu 2:25-28) mpe Polo (Bisalu 13:35) sadilaka bangogo yayi na Yesu — kivuvu ya Davidi na Tata ya beto kumaka mvumbukulu ya Mwana na lufwa, nzutu ya yandi monaka kubola ata fyoti ve. 11Nge ke lakisa munu nzila ya luzingu; na ntadisi ya nge kele kyese ya kufuluka, na diboko ya nge ya lubakala kele mikembo ya seko.