Nyi Lalokche Sühko Hula?
Chia atkubü songdakbou shanga. Dawideibü chia.
Dawidei lalokche sühko dogo ladangkei phekda—lalokche sühko maalabü, lalokche sühko thenyek hula, lalokche sühko thounou künla, lalokche sühko dangbou kü thüka setla. Haoeibü danko lubü ai ong ayeida. Lausikei mang kho haoeibü Boueibü sanoua ngaida, hoba hapjinei kibü maibü shangabü mang haapan khümkuda.
13 1O kü Bou, nyi lalokche sühko ngo maalabü? Ponpen lo? Nyi lalokche sühko kaibü thenyek kü ka hula?
2Ngei lalokche sühko kü thounou yoa aoyolabü hoba chalou sünga kü maangpona maangshat künla? Kü dangbou lalokche sühko kü thüka thüksimin haplabü? 3O kü Bou, ngo chühashi hoba jongaikei; kü nyek la ngesakbü kuashi, ayingsi ngei haia yeplabü.
4Kü dangbouei laulabü, “Ngei hao thükena,” hoba ngei tuonglaje kü khulimbü shuong olinyolabü. 5Lausikei ngei kaibü üeisanoua maanglembei; kü maangpon kaibü khümenbüa olinlabü. 6Ngei kü Bou la chia laulabü, aishanga haoei kü to aedanga maian kümbei.
