Mpaka Lini Munadzabisala?
Kuna nyakutsogolera nyimbo. Nyimbo ya Dhavidhi.
Kanai Dhavidhi asabvundza kuti mpaka lini — mpaka lini wakuduwalika, mpaka lini wakubisirwa, mpaka lini kunyamula kutsukwala, mpaka lini nyamadzawe kukhala pa dzulu. Nkhabe cinthu cinacinja m'makhaliro ace. Mbwenye salmo isapituka basi pa ufuni wa Baba wace, ndipo isamala na kuimba pya udidi udatambira iye kale.
13 1Mpaka lini, Baba wanga, munandziduwala? Kwa muyaya? Mpaka lini munandzibisira nkhope yanu?
2Mpaka lini ndinadzamenyana na manyerezero anga, mbandithukula kutsukwala muntima mwanga ntsiku yonsene? Mpaka lini nyamalwa wanga anadzandikunda? 3Ndiyang'anani mbamunditawira, Baba wanga; ceneseni maso anga, mungakhonda, ndinadzagona nkufa.
4Nyamalwa wanga anadzalonga kuti: “Ndankunda iye,” mbwenye anyamalwa anga anadzatsandzaya ndingagwa. 5Mbwenye ine ndanyindira kufuna kwanu kwakukhulupirika; ntima wanga unadzatsandzaya na upulumuki wanu. 6Ndinadzaimbira Baba wanga nyimbo, thangwi Iye andicitira pyadidi kakamwe.
