स्तोत्रसंहिता 13

13 ¹ हे माझ्या पित्या, तू आणखी किती काळ मला विसरशील? कायमचा? तू आपले मुख माझ्यापासून आणखी किती काळ लपवशील?

² मला आणखी किती काळ आपल्या विचारांशी झगडावे लागेल आणि दिवसभर मनात दुःख वागवावे लागेल? माझा शत्रू आणखी किती काळ माझ्यावर विजय मिळवील? ³ हे माझ्या पित्या, माझ्याकडे पाहा आणि मला उत्तर दे; माझ्या डोळ्यांना प्रकाश दे, नाहीतर मी मृत्यूच्या झोपेत पडेन.

⁴ माझा शत्रू म्हणेल, “मी त्याच्यावर विजय मिळवला,” आणि मी पडल्यावर माझे वैरी आनंद करतील. ⁵ पण मी तुझ्या प्रेमदयेवर भरवसा ठेवला आहे; तुझ्या तारणात माझे हृदय आनंद करील. ⁶ मी माझ्या पित्यासाठी गीत गाईन, कारण तो माझ्याशी फार चांगला वागला आहे.