Chandinam Nyetnei Hinseibü
Chia atbü leiyeibou shanga. Sheminit tegü. Dawideibü chia.
Maang lembü shuong bangkei, hoba müt pendouei janyinbü maangponei amlangbü lauda. Mang haapbouei yonglambo laubü lishang shuong wapan apbushi dogo ngada, hoba jongaibü hapda: khambü shuong ngühyobü laüa, seneibü Bouei ngei tou pielabü dogo lauda. Haoeibü ngüh shuong kho ik nyetnei hinseian phobü chandinam tegü ki.
12 1Seneibü Abou, thuiashi, aishanga saopobü shuong aki; maang lembü shuong müt shousi shuong yoka bangkei. 2Mütpem wekoei jembü lepbou to amlangbü lauda; sungletbü sembungei hoba janyinbü maangponei haoen joyoda. 3Bouei sungletbü sembung pendou hoba yaangbü ngüh yonglambo laubü lishang pendou wapan apbushi, 4aoyouei lauda, “Küneibü lishangei künei thük haplabü; küneibü sembung kho künei shangabü—künei thüka ao bunyubou ki?”
5“Shalebü shuong shian apbü laüa, khambü shuong ngühyobü laüa, ngei tou pielabü,” dogo Bouei lauda. “Ngei ho maikuan apbü müt to khümenbüa phokulabü.”
6Boueibü ngüh shuong kho hinseibü ngüh ki, kao khonkukhonsak ka hinseian phobü chandinam tegü, nyetnei hinseian phobü ki. 7Noei, seneibü Abou, khambü shuong khümenan phokulabü; noei sen ho meten ka ponpen thon akiko püetlabü. 8Müt shousi shuong yoa mangsenlabü yaangtikuan aplaje, amaibü shuong phangshou phangna paithüng paida.
