Kwa mwimbishaji. Mtindo wa sheminithi. Zaburi ya Daudi.
12 1 Okoa, Baba yetu, kwa maana wenye imani wamekoma; waaminifu wametoweka kati ya wanadamu. 2 Kila mtu humwambia jirani yake uongo; kwa midomo ya kujipendekeza na moyo maradufu wanena. 3 Baba yetu na aikate midomo yote ya kujipendekeza na kila ulimi unaojivuna kwa maneno makuu, 4 wale wasemao, "Kwa ulimi wetu tutashinda; midomo yetu ni yetu wenyewe — ni nani aliye bwana juu yetu?"
5 "Kwa sababu maskini wanateswa, kwa sababu wahitaji wanaugua, sasa nitainuka," asema Baba yetu. "Nitamweka salama yule anayeitamani."
6 Maneno ya Baba yetu ni maneno safi, ni fedha iliyosafishwa katika tanuru ya udongo, iliyosafishwa mara saba. 7 Wewe, Baba yetu, utawalinda wahitaji salama; utatulinda na kizazi hiki milele. 8 Waovu huzunguka-zunguka pande zote, uovu unapotukuzwa miongoni mwa wanadamu.
