Shinishida Langhai Lupāsā
Laa kathānpawui vang. Sheminithwui laakhano eina. Davidwui laa lairik akha.
Kachangashan mibing kharei matheira, kala mi kachiva̱na ningkhani eina sotkhamasao tui hānga. Psalm kapia china langsoa morchaibing katattāranu da ngahāna, kala ngahānkhami samphanga: khavātabing ngahuiwui vang eina ithumwui Avāna ngakarthui-ura da hānga. Awui tui chi shinishida tharkhui kahai lupāsāna.
12 1Ngachonmilu, ithumwui Avā, kaja shitkasang mibing shimānserhaira; miwui naomayara ngarāwui alungli ningkatong mibing maleithura. 2Mi kachiva̱na awui khongnainaoli minā; sotkhamasao morchai eina kala ngakai kahai wuklung eina athumna matui. 3Ithumwui Avāna sotkhamasao morchai saikora, kala ot kahaka langsoa male kachiva̱li katattāranu, 4hithāda kahāngbing, "Ithumwui male eina ithumna yuira; ithumwui morchai china ithumwuina—ithumwuitungli khipāna amei sāra?"
5"Kachāmabing ngaponkahaiwui vang eina, khavātabing ngahuiwui vang eina, ara ina ngakarthui-ura," da ithumwui Avāna hānga. "Chi longa mili ina tāphup kahaipamli khāngkāra."
6Ithumwui Avāwui tui china tui tharzāna, ngaleiwui sharkha̱li langhai lupāsā, shinishida tharkhui kahaina. 7Nava, ithumwui Avā, khavātabingli phārimira; nana ithumli thot hiwui eina katang mavaila khamayonmira. 8Mibingwui naongarāwui alungli makankhanā juimeikahai tharan, makaphā makhayābing kuimareida yaozata.
