Fwalanga Yásemiswa Mbala Tsambwadi
Kwena mutwadisi wa mikunga. Mu sheminithi. Mukunga wa Tavidi.
Batu bakwikama bakatukidi, amana batu boosu bisi huna ni mbundu yadikabisa. Musoniki wisi lomba ni malebu ma lengu matabulwa, amana wisi tambula mvutu: mukuma batu ba phasi bisi humwakina, Tata wetu wisi zimbula ni yandi kakatélama. Ndinga zandi zenina hanga fwalanga yina básemisa mbala tsambwadi.
Tata wetu kisi zonza mu vese 5
12 1Tusadisa, A Tata wetu, mukuma batu bakwikama bakatukidi; batu ba kyedika bátota hana kati dya bana ba batu. 2Kosu mutu wisi huna kwena khunda wandi; ni malebu ma lengu yi mbundu yadikabisa bazonza. 3Tata wetu katabula malebu moosu ma lengu yi ndinga yosu yina yisi hanga mambu ma mbuta, 4bana bisi zimbula: «Ni ndinga zetu tukanúnga; malebu metu menina ma betu-meni—nani kenina pfumu wetu?»
5«Mukuma batsukami bayibwa, mukuma batu ba phasi bisi humwakina, buthwena yikatélama», wisi zimbula Tata wetu. «Yikahulusa wuna wisi kuzola.»
6Ndinga za Tata wetu zenina ndinga za kasemi, fwalanga yina básemisa muna ziku dya mafu, yina básemisa mbala tsambwadi. 7Ngeyi, A Tata wetu, wukalúnda batu ba phasi mboti-mboti; wukatúlema ku mbandu yayi mvula yi mvula. 8Batu ba mbi bisi temba-temba ha ndambu zoosu tangwa mambu ma mbi matombulwa hana kati dya bana ba batu.
