Kiswaminu Kyama
Kwena musindikila. Nkunga wa Tavidi.
Banduku bisi longa Tavidi ni katina ku mongu hanga nuni, mukuma miongi myenina ha misinga amana mipfundila myawulumuka. Yandi wisi menga ndongisila yina. Tata wandi wisi tala tukidila ku kiti kyandi kya luyalu, wisi simbulula batu boosu, amana batu balungila bamóna mbunzu yandi.
11 1Mwena Tata wama yíswamini. Abweti lulenda zonza kwena moya wama: «Tina ku mongu kyaku hanga nuni»? 2Mukuma tala, batu ba mbi bisi hungula mabuta mawu; bisi sya musongi wawu ha musinga, ndangu bata mu mphipha kwena batu balungila mu mbundu. 3Yuka ni mipfundila myawulumuka, biki batu ba masonga balenda hanga? 4Tata wetu kenina mu nzu yandi yatoma; kiti kya luyalu kya Tata wetu kyenina mu mazilu. Mesu mandi masi tala; kisi simbulula bana ba batu. 5Tata wetu kisi simbulula batu ba masonga, kaasi moya wandi kisi menga batu ba mbi yi mutu wuna wisi zola mvwalangani. 6Ha thandu ya batu ba mbi, kanókisa mitambu, mbawu yi bupfundu yi pfunzi ya balabala byakála ndambu ya mbungu yawu. 7Mukuma Tata wetu kenina wa masonga; kisi zola mihangu mya masonga. Batu balungila bamóna mbunzu yandi. a a v7 Mfutu wa lawu wuna nkunga yayi wisi tela, heku lutaninu lwa nitu ku, kaasi mu kumona mbunzu ya Tata wetu — batu balungila benina batu bandi, amana mu kukala ha kimosi yi yandi, diawu diambu dya mupfunu dyosu.
