መዕቘቢየይ
ንመዘምራን ኣውራ፥ ናይ ዳዊት።
ፈተውቲ ንዳዊት ከም ዒፍ ናብ ኣኽራን ክሃድም ይመኽርዎ፥ ፍላፃ ኣብ ውሕቲ ተዳልዩ እዩ፥ መሰረታትውን ይፈርሱ ኣለዉ እሞ። ንሱ ነቲ ምኽሪ ይኣብዮ። ኣቦኡ ካብ ዙፋኑ ይጥምት፥ ንኵሉ ይምርምር፥ ቅኑዓት ከዓ ገፁ ክርእዩ እዮም።
11 1ኣብ ኣቦይ ተዓቚበ ኣለኹ። ንነፍሰይ፥ “ከም ዒፍ ናብ እምባኻ ህደም” ኢልኩም ከመይ ጌርኩም ትብሉኒ ኣለኹም? 2እንሆ፥ እቶም ክፉኣት ቀስቶም ወጠሩ፤ ነቶም ቅኑዓት ልቢ ኻብ ፅላሎት ክውርውሩ፥ ፍላፃኦም ኣብ ውሕቲ ኣዳለዉ። 3መሰረታት እንተ ተፈረሱ፥ እቲ ፃድቕ እንታይ ክገብር ይኽእል? 4ኣቦና ኣብ ቅዱስ ቤተ መቕደሱ ኣሎ፤ ዙፋን ኣቦና ኣብ ሰማይ እዩ። ኣዒንቱ ይጥምታ፤ ንደቂ ሰብ ድማ ይመርምራ። 5ኣቦና ነቲ ፃድቕ ይመርምሮ፤ ነፍሱ ግና ነቶም ክፉኣትን ነቲ ግፍዒ ዘፍቅር ሰብን ትፀልኦም። 6ኣብ ልዕሊ እቶም ክፉኣት መፈንጠሪታትን ሓዊን ዲንን የዝንም፤ ዘንድድ ንፋስ ከዓ ግደ ፅዋኦም ክኸውን እዩ። 7ኣቦና ፃድቕ እዩ እሞ፥ ፅድቂ የፍቅር፤ እቶም ቅኑዓት ገፁ ክርእዩ እዮም። a a v7 እቲ መዝሙር ዝጠቅሶ ዝዓመቐ ዓስቢ ድሕንነት ዘይኮነስ፥ ገፅ ኣቦና ምርኣይ እዩ፤ እቶም ቅኑዓት ናቱ እዮም፥ ምስኡ ምዃን ከዓ ኵሉ እቲ ፍረ ነገር እዩ።
