Pakubisala Panga
Kuna ntsogoleri wa anyakuimba. Nyimbo ya Dhavidhi.
Axamwali asapasa Dhavidhi uphungu wa kuthawira ku mapiri ninga mbalame, thangwi miseve yatoikhwa kale pa uta ndipo maziko asagwa. Iye asakhonda uphungu unoyu. Baba wace asaona ali pa mpando wace wa umambo, anayeza onsene, ndipo anyakulungama anadzaona nkhope yace.
11 1Kuna Baba wanga ndabisala. Munakwanisa tani kupanga ntima wanga kuti: “Thawa ndoko ku phiri yako ninga mbalame”? 2Thangwi onani, anthu akuipa asakulula uta wawo; asaikha mseu wawo pa nkhambala toera kumenya buluka n'cithundzithundzi anthu akulungama muntima. 3Maziko angagomolwa, anyakulungama anakwanisa kucitanji? 4Baba wathu ali n'nyumba yace yakucena; mpando wa umambo wa Baba wathu uli kudzulu. Maso ace asaona; kuyang'ana kwace kusadinga ana a anthu. 5Baba wathu asadinga anyakulungama, mbwenye ntima wace usaida anthu akuipa na ule anafuna uphanga. 6Pa anthu akuipa Iye anadzabvumbisa misampha—moto na nsulufure na mphepo yakupisa inadzakhala mbali ya kopo yawo. 7Thangwi Baba wathu ndi wakulungama; Iye asafuna macitiro akulungama. Anyakulungama anadzaona nkhope yace. a a v7 Muoni ukulu kakamwe unalonga nyimbo iyi nkhabe kukhala citsidzikizo, mbwenye kuona nkhope ya Baba wathu — anyakulungama ndi anace, pontho kukhala na Iye ndi cifuniro consene.
