መዝሙር 11

11 ¹በአባቴ ተጠግቻለሁ። ለነፍሴ፣ “እንደ ወፍ ወደ ተራራህ ሽሽ” ብላችሁ እንዴት ትናገራላችሁ? ²እነሆ፣ ክፉዎች ቀስታቸውን ይገትራሉ፤ ልባቸው ቅን በሆኑት ላይ ከጨለማ ለመተኮስ ፍላጻቸውን በክሩ ላይ ያግትራሉ። ³መሠረቶቹ ሲፈርሱ፣ ጻድቁ ምን ሊያደርግ ይችላል? ⁴አባታችን በቅዱስ መቅደሱ ውስጥ ነው፤ የአባታችን ዙፋን በሰማይ ነው። ዐይኖቹ ይመለከታሉ፤ ዐይኑም የሰውን ልጆች ይመረምራል። ⁵አባታችን ጻድቁን ይመረምራል፤ ነፍሱ ግን ክፉውን፣ ግፍ የሚወድደውንም ትጠላለች። ⁶በክፉዎች ላይ ወጥመዶችን ያዘንባል፤ እሳትና ዲን፣ የሚፋጅም ነፋስ የጽዋቸው ድርሻ ይሆናል። ⁷አባታችን ጻድቅ ነውና የጽድቅን ሥራ ይወድዳል። ቅኖችም ፊቱን ያያሉ። ^a a v7 መዝሙሩ የሚጠቅሰው ታላቅ ዋጋ ደኅንነት ሳይሆን የአባታችንን ፊት ማየት ነው፤ ቅኖች ከእርሱ ጋር ናቸው፤ ከእርሱ ጋር መሆንም ዋናው ነገር ነው።