یدّی دفه تصفیه اولونان گوموش
موسیقی رهبری اوچون. شِمینیته گؤره. داوودون مزمورو.
وفالی آداملار آرادان گدئب و هرکس ائکی اوزلو اورَکله یالتاقلیق ادر. مزمورچو ائسته‌یئر کی، فخر ساتان دئللر کَسئلسئن، و جاواب آلیر: مؤحتاجلار ناله اتدئیی اوچون، آتامیز دیئر کی، قالخاجاق. اونون سؤزلری یدّی دفه پاکلانمیش گوموشدور.
12 1کؤمک ائله، آتامیز، چونکی وفالی آداملار آرادان گدئب؛ صادئق‌لار بشر اؤولادلاری آراسیندان قِیب اولوب. 2هرکس اؤز قونشوسونا یالان دانیشیر؛ یالتاق دوداقلارلا و ائکی اوزلو اورَکله دانیشیرلار. 3قوی آتامیز بوتون یالتاق دوداقلاری و بؤیوک-بؤیوک دانیشان هر دئلی کَسسئن، 4اونلار کی دیئرلر: «اؤز دئلئمئزله ظفر قازاناجاغیق؛ دوداقلاریمیز اؤزوموزوندور ― کئم بئزئم اوستوموزده آغادیر؟»
5«کاسیبلار تالان اولوندوغو اوچون، مؤحتاجلار ناله اتدئیی اوچون، ائندی قالخاجاغام» دیئر آتامیز. «ائسته‌یَن آدامی اَمئن-آمانلیغا چاتدیراجاغام.»
6آتامیزین سؤزلری پاک سؤزلردئر، تورپاق کوره‌سئنده تصفیه اولونان گوموش، یدّی دفه پاکلانمیش. 7سن، آتامیز، مؤحتاجلاری سالامات ساخلایاجاقسان؛ بو نسئلدن بئزی ابده کئمی قورویاجاقسان. 8رذالت بشر اؤولادلاری آراسیندا اوجالاندا، پئس آداملار هر طرفده گَزئب-دولانیرلار.
