زبور 14

14 ¹ احمق اپنے دل میں کہتا ہے، ”کوئی خُدا نہیں۔“ وہ بگڑ گئے ہیں، اُن کے کام گھناؤنے ہیں؛ کوئی نیکوکار نہیں۔

² ہمارا باپ آسمان سے نگاہ کرتا ہے بنی آدم پر، تاکہ دیکھے کہ کوئی سمجھدار ہے، جو اُس کا طالب ہو۔ ³ وہ سب گمراہ ہو گئے ہیں؛ مل کر بگڑ گئے ہیں؛ کوئی نیکوکار نہیں، ایک بھی نہیں۔

⁴ کیا یہ سب بدکار کچھ نہیں جانتے، جو میرے لوگوں کو یوں کھا جاتے ہیں جیسے روٹی کھاتے ہیں، اور کبھی ہمارے باپ کو نہیں پکارتے؟ ⁵ وہاں وہ دہشت سے مغلوب ہو گئے، کیونکہ ہمارا باپ راستبازوں کی نسل کے ساتھ ہے۔ ⁶ اے بدکارو، تم غریب کے منصوبوں کو ناکام کرنا چاہتے ہو، لیکن ہمارا باپ اُس کی پناہ ہے۔

⁷ کاش کہ اسرائیل کی نجات صیون سے نکلے! جب ہمارا باپ اپنے لوگوں کی خوشحالی بحال کرے گا، تو یعقوب شادمان ہو، اسرائیل خوش ہو۔