Ang Pagpanghiwala sang Buangbuang
Sa direktor sang musika. Ni David.
Ang ginasiling sang buang nga wala sing Dios ginatamod subong praktikal, indi teoretikal. Ginausisa sang aton Amay ang bug-os nga katawhan kon may nakahangop, kag wala sia sing nakita bisan isa. Ang mga nagalamon sang iya katawhan ginaabot sang hinali nga kakulba; ang salmo nagatapos sa paghandum sang kaluwasan halin sa Sion.
14 1Ang buangbuang nagasiling sa iya tagiposoon, “Wala sing Dios.” Malaut sila, makangilil-ad ang ila mga binuhatan; wala sing bisan isa nga nagahimo sing maayo.
2Ang aton Amay nagatan-aw halin sa langit sa mga anak sang tawo, agud makita kon may yara bala nga nakaintiende, nga nagapangita sa iya. 3Nagtalikod silang tanan; nangin malaut sila sing tingob; wala sing bisan isa nga nagahimo sing maayo, bisan isa lang.
4Wala bala sila sing nahibaloan, ining tanan nga mga malinapason nga nagalamon sang akon katawohan subong sang pagkaon nila sing tinapay, kag wala gid nagapanawag sa aton Amay? 5Yara sila didto, nagakulugmat sa kahadluk, kay ang aton Amay yara sa kaliwatan sang mga matarung. 6Kamo nga mga malinapason luyag ninyo gub-on ang mga plano sang imol, apang ang aton Amay amo ang iya dalangpan.
7O, kabay nga maghalin sa Sion ang kaluwasan sang Israel! Kon ipasag-uli sang aton Amay ang kahimtangan sang iya katawohan, magkalipay si Jacob, magkasadya ang Israel.
