Ngọnarị Onye Nzuzu
Nye onyeisi ndị ọbụ abụ. Abụ Devid.
A na-ewere okwu onye nzuzu na-asị na Chineke adịghị dị ka ihe gbasara ndụ, ọ bụghị echiche efu. Nna anyị na-achọgharị nʼetiti mmadụ niile ma ọ dị onye ghọtara, ọ hụghị onye ọ bụla. Ndị na-eripịa ndị ya na-ezute egwu na mberede; abụ ọma ahụ ji agụụ maka nzọpụta si na Zayọn mechie.
14 1Onye nzuzu na-ekwu nʼobi ya, sị, “Chineke adịghị.” Ha rụrụ arụ, omume ha jọgburu onwe ya; o nweghị onye na-eme ezi ihe.
2Nna anyị si nʼeluigwe na-eledata anya nʼahụ ụmụ mmadụ, ịhụ ma ọ dị onye nwere nghọta, onye na-achọ ya. 3Ha niile echigharịala; ha jikọtara ọnụ ghọọ ndị rụrụ arụ; o nweghị onye na-eme ezi ihe, ọbụladị otu onye.
4Ọ bụ na ndị a niile na-eme ajọ ihe amaghị ihe ọbụla, bụ ndị na-eri ndị m dịka ha na-eri achịcha, ndị na-adịghịkwa akpọku Nna anyị? 5Lee, oke egwu ga-ejupụta ha, nʼihi na Nna anyị nọnyeere ọgbọ ndị ezi omume. 6Unu ndị na-eme ajọ ihe na-achọ imebi atụmatụ ndị ogbenye, ma Nna anyị bụ ebe mgbaba ya.
7Ọ gaara adị mma ma ọ bụrụ na nzọpụta Izrel si na Zayọn pụta! Mgbe Nna anyị weghachiri akụnụba ndị ya, ka Jekọb ṅụrịa ọṅụ, ka Izrel nwee obi ụtọ.
