Bameithaan bi tu ong ngam gabo?
David om Kalum Laa khat.
Bathiangnu pwan in bao bi zongnu khat—tu ani Pa om bathiangnu rammwan la ring ngam gabo diga—mi tanaatnu chwan na baze pinuwe: basung bina bazenu kabianu, rin basiat maknu, bainnai lounai rwan ding kasianu to maknu, balaang ding chat ongnu kaan bi le baom chongren pi tip thangnu, khatle koi maaknu mi lu chung bi sian lou maknu. Hadanu mi ga impha ni beida kaling thanglaye.
15 1Apa, Napwan in bi tu ong ngam gabo? Naom bathiangnu rammwan la tu ring ngam gabo? 2Imphom tanaat makka seluga ririak senu ding tonu, basung bina bazenu kabianu maan gaye. 3Maanna balei bina rin basiat make, bainnai lounai rwan ding kasianu to make, khatle babaan lu chung bi kasianu chong kabia make. 4Maanna kasianu mi ding pi tanne, atiyeda ani Pa ding kachinu nun ding takung nge; baom chongren ga balaang ding chatnu hung beida pi tip thang nge, khatle nung han lat make. 5Maanna baom sian ga sianthoi ding pi puk make, khatle koi maaknu mi lu chung bi sian lou make. Tudannu hei bing nga tonu maan ga impha ni beida kaling thanglaye.