Nang Diga Inchan Tangga Inkam Dingbo?
Laa tonu bapuba lang. David om Kalum Laa gaye.
Impei kaan basaan diga David na kouwe—impei kaan basaan inchannu, impei kaan basaan Namai inkamnu, impei kaan basaan riangre pwannu, impei kaan basaan munanu chung bi ongnu. Baom riak bi khatchale chan make. Atiyeda kalum laa ga Bapa om kriangnu bi han late, khatle am ongnu kasanu lang laa toga bakaan tangne.
13 1Apa, Nangna ei ding diga inchan tangga ririak senu dingbo? Khwa sei dingbo? Diga inchan tangga Nangna Namai ei khouna inkam dingbo?
2Ei diga inchan tangga asung baningnu bing le inlaanga, khatle kani khangsung asung bi riangrenu phunluga ong lang maangbo? Amunanuna ei chung bi diga inchan tangga ngam lang maangbo? 3Apa, Ei ding phaangluga Akhou katako; amik lang babaan pi thang ngo, ati make dabe ei thinu bi inthilune.
4Amunanuna rinlune, “Eina maan ding ngam rwe,” khatle ei tanu kaan bi amunanu bing karolune. 5Atiyeda eina Naom chat maknu kriangnu bi balumsa rwe; Naom ringriak bi asung karolune. 6Eina Apa khou laa tolune, Balangbe Maanna ei ding intia lang kasanu to thang rwe.